Ronaldo hélt lífi í titilvonum Al-Nassr
Mynd: Getty Images
Mynd: Getty Images
Al-Nassr er í gríðarlega spennandi toppbaráttu í efstu deild í Sádí-Arabíu. Liðið er þremur stigum frá toppnum þegar tvær umferðir eru eftir.
Það var enginn annar en Cristiano Ronaldo sem sá til þess að Al-Nassr sé enn í titilbaráttunni.
Liðið mætti Al-Shabab í gær sem er í 3. sæti deildarinnar en Al-Nassr vann leikinn 3-2.
Al-Shabab komst í 2-0 en Al-Nassr náði að minnka muninn fyrir lok fyrri hálfleiks. Snemma í síðari hálfleik náði Al-Nassr að jafna.
Þegar um það bil klukkutími var liðinn af leiknum skoraði Cristiano Ronaldo með glæsilegu skoti fyrir utan vítateiginn og tryggði Al-Nassr stigin þrjú.
Síðustu tveir leikir liðsins eru gegn liðum sem sitja um miðja deild.
Markið hans Ronaldo í gær má sjá með því að smella hér.
