Það getur ennþá ýmislegt gerst. Fallbaráttan er einföldust þar sem Tottenham nægir jafntefli á heimavelli gegn Everton til að forðast fall. West Ham þarf að leggja Leeds af velli á sama tíma og Tottenham tapar á heimavelli til að bjarga sér.

Hlutirnir flækjast þegar kemur að Evrópubaráttunni. Þar getur Aston Villa gefið Englandi eitt auka Meistaradeildarsæti með því að tapa gegn Manchester City, svo lengi sem Liverpool vinnur sinn leik á heimavelli gegn Brentford.

Annað hvort Bournemouth eða Brighton gætu þá komist í Meistaradeildina sem sjötta enska félagsliðið. Bournemouth getur einnig komist í Meistaradeildina með nægilega stórum sigri gegn Nottingham Forest, svo lengi sem Liverpool tapar sinni viðureign.

Brighton, sem á heimaleik gegn Manchester United, er í harðri baráttu um Evrópudeildarsæti ásamt Chelsea og nýliðum Sunderland sem eigast við í áhugaverðri innbyrðisviðureign. Régis Le Bris hefur unnið þrekvirki við stjórnvölinn hjá Sunderland og á liðið enn möguleika á sæti í Evrópudeildinni með sigri og hagstæðum úrslitum í Brighton og Liverpool, auk þess að geta komið sér í mjög góða stöðu í baráttunni um Sambandsdeildarsætið með sigri gegn Chelsea.

Leikir dagsins
15:00 Brighton - Man Utd
15:00 Burnley - Wolves
15:00 West Ham - Leeds
15:00 Fulham - Newcastle
15:00 Nott. Forest - Bournemouth
15:00 Liverpool - Brentford
15:00 Man City - Aston Villa
15:00 Tottenham - Everton
15:00 Sunderland - Chelsea
15:00 Crystal Palace - Arsenal