„Þetta var töluverð bæting. En það er það sem ég hef sagt. Þetta tekur smá tíma hjá okkur að stilla okkur af og við tókum góð skref fram á við í dag," sagði Gunnar Guðmundsson um frammistöðu sinna manna í 1-2 tapi gegn FH í Mjólkurbikarnum í kvöld miðað við frammistöðu liðsins í deildarleik gegn Leikni um liðna helgi,
Lestu um leikinn: Þróttur R. 1 - 2 FH
Þróttarar gerðu nokkrar breytingar á liði sínu frá tapinu gegn Leikni. Var Gunnar ánægður með þau svör sem leikmenn veittu honum í leik kvöldsins?
„Við notuðum þennan leik líka til þess að dreifa álaginu og spiluðum á fleiri mönnum og nýttum skiptingarnar okkar vel þannig að margir voru að fá góðar mínútur hér í dag og ég tel að það sé mikilvægt því við eru hálfpartinn ennþá á undirbúningstímabili.“
Dion Acoff lék sinn fyrsta leik með Þrótti í kvöld eftir endurkomu þegar hann kom inná sem varamaður þegar um korter var til leiksloka. Væntir Gunnar mikils af honum í sumar?
„Já þegar hann kom inná þá sá maður að að hann veldur alltaf usla. Hann hefur góðan hraða og FHingarnir áttu í vandræðum með hann um leið og hann kom inná svo auðvitað gerir maður ákveðnar væntingar til hans en það er ekki bara hann.“
Allt viðtalið má sjá hér að ofan.
Athugasemdir