Liverpool er auðvitað búið að tryggja sér titilinn eins og allir vita og Manchester City annað sætið. Baráttan um hin tvö Meistaradeildarsætin er hins vegar mjög hörð á milli Chelsea, Manchester United og Leicester.

Chelsea og Man Utd eru fyrir lokaumferðina jöfn að stigum, með einu stigi meira en Leicester. Man Utd mætir Leicester á heimavelli síðarnefnda liðsins þar sem Leicester þarf sigur til að komast á meðal efstu fjögurra liða.

Wolves mun leika í Evrópudeildina á næsta tímabili, en það er ekki alveg ljóst með Tottenham sem er í sjöunda sæti, einu stigi á eftir Wolves. Liðið sem endar í sjöunda sæti þarf að treysta á að Chelsea vinni Arsenal í bikarúrslitunum til að fá Evrópusæti.

Svo er það fallbaráttan sem er mjög spennandi. Norwich er náttúrulega fallið, en óljóst er hvaða tvö lið fara einnig niður. Fyrir umferðina í dag eru Bournemouth og Watford í fallsæti. Bournemouth þarf að vinna Everton á útivelli og treysta á að Watford og Aston Villa tapi sínum leikjum.

Hér að neðan má sjá alla leikina í lokaumferðinni og þar fyrir neðan er stigataflan í deildinni.

Allir leikirnir verða sýndir í beinni hjá Síminn Sport.

sunnudagur 26. júlí
15:00 Southampton - Sheffield Utd
15:00 Newcastle - Liverpool
15:00 Man City - Norwich
15:00 Leicester - Man Utd
15:00 Crystal Palace - Tottenham
15:00 Chelsea - Wolves
15:00 Burnley - Brighton
15:00 Arsenal - Watford
15:00 West Ham - Aston Villa
15:00 Everton - Bournemouth