Chelsea leiðir kappið um eftirsóttan Alajbegovic

Alajbegovic skein með Bosníu á heimsmeistaramótinu og er Bayer Leverkusen reiðubúið til að selja hann fyrir 40 milljónir evra.

Það er mikill áhugi frá Ítalíu, þar sem Leverkusen er búið að hafna tilboði frá Atalanta en Napoli og Juventus gætu einnig lagt fram tilboð.

Fleiri félög úr ítölsku og ensku deildinni hafa einnig verið nefnd til sögunnar en leikmaðurinn er með fimm ár eftir af samningi hjá Leverkusen.

Alajbegovic átti magnað tímabil á láni hjá RB Salzburg á síðustu leiktíð, þar sem hann kom með beinum hætti að 17 mörkum í 44 leikjum í öllum keppnum.