Dæmdur í 24 ára fangelsi fyrir kynferðisbrot gegn börnum

Diba-Musangu, sem er 23 ára gamall, ólst upp hjá Rochdale og þótti afar efnilegur markvörður en hann æfði með U16 ára liði Englendinga og var þá síðar í myndinni hjá U18 ára landsliðinu.

Hann lék einn leik fyrir Rochdale í ensku C-deildinni tímabilið 2014-2015. Markvörðurinn var lánaður tvívegis í utandeildina áður en hann gekk til liðs við Ashton United. Hann lék síðast með Mossley í utandeildinni.

Hann var handtekinn árið 2018 fyrir brot gegn sex stúlkum undir lögaldri og ákærður í júní á þessu ári eftir rannsókn lögreglunnar í Manchester.

Diba-Musangu var dæmdur sekur rúmum mánuði síðar en refsingin var kveðin í dag. Þessi fyrrum markvörður var 14 ára gamall þegar hann framdi fyrsta brotið, þá gegn 7 ára gamalli stúlku. Fjórum árum síðar braut hann á 12 ára gamalli stúlku þegar hann var í æfingaferð með Rochdale.

Diba-Musangu var í dag dæmdur í 24 ára fangelsi fyrir brotin og voru ákæruliðirnir tólf í heildina.

Ex-footballer Rochdale AFC goalkeeper Jonathan Diba Musangu, who subjected girls as young as seven to horrific abuse, fell to his knees and cried out that "it doesn't make any sense" https://t.co/GuQeaeracn

— NNECA - National Network to End Child Abuse (@NNECA_) July 20, 2021