Klopp: Vítaspyrnan var ekki einu sinni brot

Gestirnir frá Sheffield komust þó yfir snemma leiks eftir umdeildan vítaspyrnudóm sem Klopp er ekki sammála.

„Vítaspyrnan var ekki einu sinni brot. Þetta var ósanngjörn ákvörðun og við þurftum að gefa í. Ég elska svona leiki því núna virkilega verðskuldum við smá hvíld," sagði Klopp að leikslokum.

„Ég er ekki hissa að Sheffield hafi gefið okkur erfiðan leik, þetta er það sem við bjuggumst við. Chris Wilder er eflaust vonsvikinn með úrslitin.

„Við vorum með algjöra stjórn á leiknum í stöðunni 2-1 en svo komu þeir sér aftur inn í leikinn. Ég virði það svo mikið við þetta lið, þetta er lið sem gefst aldrei upp. Þeir hætta aldrei, Chris er að gera frábæra hluti við stjórnvölinn þarna."

Liverpool jafnaði Everton á toppi deildarinnar með sigrinum. Everton á þó leik til góða.

Sjá einnig:
Sjáðu atvikið: Umdeildur vítaspyrnudómur í Liverpool