Marten de Roon, leikmaður Atalanta, býður hættunni heim með myndbandi sem hann birti á Twitter en þar gerir hann grín að sænska framherjanum Zlatan Ibrahimovic.
Atalanta vann öruggan 3-0 sigur á Milan um helgina þar sem Cristian Romero, Josip Ilicic og Duvan Zapata gerðu mörkin.
Leikmenn Milan vildu fá vítaspyrnu í síðari hálfleiknum en Zlatan fór að rífast við Zapata í kjölfarið og benti honum á mörkin hans væru fleiri en leikirnir hans Zapata.
De Roon ákvað nú að birta myndband á Twitter með orðum Zlatans og mörkunum þremur. Hægt er að sjá myndbandið hér fyrir neðan.
*posts video and hide* 🏃💨 pic.twitter.com/2NA4C6tDYG
— Marten de Roon (@Dirono) January 25, 2021
Athugasemdir