Byrjunarlið A. Villa og WBA: Barkley kemur inn

Aston Villa og WBA mætast í nágrannaslag klukkan 18:00. Leikurinn fer fram á Villa Park í Birmingham og er í beinni útsendingu á <i>Síminn Sport</I>.

Aston Villa hefur tapað síðustu tveimur leikjum sínum og WBA tapaði síðasta leik sínum eftir að hafa unnið tvo þar á undan. WBA þarf á sigri að halda til að halda í einhverja von um sæti í deildinni á næsta ári. Aston Villa siglir lygnan sjó um miðja deild en getur komist upp fyrir Leeds í 9. sætið með sigri.

Dean Smith, stjóri Villa, gerir þrjár breytingar á sínu liði frá tapinu gegn Man City. Ahmed Elmohamady kemur inn fyrir Matty Cash sem er í leikbanni. Þeir Anwar El Ghazi og Ross Barkley koma einnig inn í liðið.