Matthías Vilhjálmsson, fyrirliði FH, var til viðtals eftir tap gegn Leikni í kvöld. Hann ræddi við Magnús Þór Jónsson, fréttaritara Fótbolta.net.
„Mikil vonbrigði, við vorum með þetta í hendi í fyrri hálfleik en þetta sýnir bara að með mikill ástríðu vinnuru fótboltaleiki og það sýndu Leiknismenn í dag."
„Mikil vonbrigði, við vorum með þetta í hendi í fyrri hálfleik en þetta sýnir bara að með mikill ástríðu vinnuru fótboltaleiki og það sýndu Leiknismenn í dag."
Lestu um leikinn: Leiknir R. 2 - 1 FH
Matti kom FH verðskuldað yfir á 21. mínútu, FH hafði byrjað leikinn mun betur. En Leiknir kom strax til baka mínútu seinna og jafnaði leikinn.
„Leikurinn er 90+ mínútur, heilt yfir var þetta ekki góð frammistaða hjá FH-liðinu og þetta eru vonbrigði."
„Mér fannst við vera ansi langt frá mönnum í seinni boltum og fannst þeir vera fyrstir í margt. Við áttum einhver hálffæri og svoleiðis en heilt yfir ekki nógu gott."
Leiknismenn unnu baráttuna í kvöld.
„Það er eins og það hafi orðið eitthvað tabú á síðustu árum að berjast. Það sést á því sérstaklega þegar það er smá vindur og boltinn skoppar að þú kemst ansi langt á baráttunni. Það þurfum við að laga sem fyrst," sagði Matthías.
Viðtalið í heild má sjá í spilaranum hér að ofan.
Athugasemdir