Byrjunarlið U21: Nýtt miðvarðapar og ný miðja

Sex breytingar milli leikja

Eggert Aron er fyrirliði íslenska liðsins í dag.

Mynd: Fótbolti.net - Hafliði Breiðfjörð

Júlíus Mar kemur inn í íslenska liðið og spilar við hlið Davíðs Helga Aronssonar.

Mynd: Fótbolti.net - Haukur Gunnarsson

Mathys Tel er fyrirliði franska liðsins.

Mynd: EPA

Uppstilling íslenska liðsins á vef UEFA.

Mynd: UEFA/Skjáskot

Eggert Aron er fyrirliði íslenska liðsins í dag.

Mynd: Fótbolti.net - Hafliði Breiðfjörð

Íslenska U21 landsliðið tekur á móti Frökkum í undankeppni EM 2027 á PEPSI vellinum í Laugardal í dag. Leikurinn hefst 15:00 og er frítt inn á völlinn.

Frakkar eru á toppi riðilsins, Sviss er tveimur stigum á eftir og Ísland er þremur stigum á eftir Sviss. Það er raunhæfur möguleiki á umspili um sæti á EM.

Þeir Lúðvík Gunnarsson og Ólafur Kristjánsson eru þjálfarar liðsins og þeir eru búnir að velja byrjunarliðið. Síðasti leikur liðsins var gegn Frökkum í Frakklandi í lok mars og endaði sá leikur með 2-1 sigri Frakka.

Lestu um leikinn: Ísland U21 0 - 0 Frakkland U21

Frá þeim leik eru gerðar sex breytingar á liði Íslands og miðað við skýrslu UEFA eru þeir Halldór Snær Georgsson, Kjartan Már Kjartansson og Baldur Kári Helgason utan hóps í dag.

Logi Hrafn Róbertsson, Gísli Gottskálk Þórðarson og Róbert Frosti Þorkelsson eru meiddir og því ekki með, Ágúst Orri Þorsteinsson gaf ekki kost á sér, Kjartan Már er utan hóps og Nóel Atli Arnórsson byrjar á bekknum. Inn koma þeir Amin Cosic, Helgi Fróði Ingason, Eggert Aron Guðmundsson, Tómas Orri Róbertsson, Júlíus Mar Júlíusson og Davíð Helgi Aronsson.

Í liði Frakka eru leikmenn eins og Mathys Tel hjá Tottenham og Lesley Ugochukwu hjá Galatasaray.

Þeir Eggert Aron og Tel eru fyrirliðar liðanna í dag.

Byrjunarlið Ísland U21

1. Lúkas Petersson (m)
2. Hlynur Þórhallsson
3. Júlíus Mar Júlíusson
9. Daníel Tristan Guðjohnsen
10. Eggert Aron Guðmundsson
14. Helgi Fróði Ingason
15. Amin Cosic
20. Viktor Bjarki Daðason
21. Tómas Orri Róbertsson
22. Daníel Freyr Kristjánsson
4. Davíð Helgi Aronsson

Byrjunarlið Frakkland U21

1. Ewen Jaouen (m)
3. Sael Kumbedi
6. Valentin Atangana
13. Christian Mawissa
15. Nathan Zeze
21. Jaydee Canvot
7. Mathys Tel
8. Lesley Ugochukwu
9. Jean-Matteo Bahoya
10. Saimon Bouabre
11. Senny Mayulu