„Þetta er frammistaða sem menn geta verið stoltir af“

Hvernig gerirðu leikinn upp?

„Við spilum á móti sterku liði og mér fannst liðið í heild spila mjög vel. Í seinni hálfleik fengum við betri takt í spilið og strákarnir fundu hver annan betur. Þetta er frammistaða sem menn geta verið stoltir af.“

Hvað breyttist á milli hálfleika?

„Við vorum aðeins stífari í seinni hálfleik og svo kom meiri ró og sjálfstraust þegar menn uxu inn í leikinn.“

Hvert var leikplanið?

„Leikplanið var að vera þéttir varnarlega og stíga upp á réttum tímum. Mér fannst okkur takast ágætlega að skipta á milli þess að vera í lágblokk og stíga upp í pressu.“

Daníel og Viktor hafa áður verið kallaðir upp í A-landsliðið. Hversu gott er að hafa þá með ykkur?

„Það er frábært. Þeir eru virkilega öflugir og það eru fullt af strákum hérna sem eru að ýta sér nær A-hópnum.“

Hvernig leggst leikurinn gegn Sviss í þig?

„Bara mjög vel. Sviss er gott lið og við erum líka gott lið. Við þurfum að hafa sjálfstraustið og þorið til að ná annarri frammistöðu sem gefur okkur möguleika á þremur stigum.“

Viðtalið í heild sinni má finna í spilaranum hér fyrir ofan