U21: Mjög gott stig gegn Frökkum

Það var Mathys Tel, leikmaður Tottenham, sem kom Frökkum yfir eftir rúmlega hálftíma leik. Íslenska liðið bjargaði glæsilega á línu en boltinn skoppaði á Tel sem setti boltann í autt markið.

0-1 var staðan í hálfleik en eftir sex mínútur af seinni hálfleik fékk Íslands aukaspyrnu á hættulegum stað við vítateig Frakka. Þeir Daníel Freyr Kristjánsson og Daníel Tristan Guðjohnsen stóðu yfir boltanum og það var Daníel Tristan sem lét vaða og boltinn söng í vinstra markhorninu - glæsilega gert hjá Daníel.

Ísland fékk svo gott færi á 68. mínútu en Stígur Diljan Þórðarson náði ekki að nýta færið eftir undirbúning frá Galdri Guðmundssyni.

Niðurstaðan mjög dýrmætt stig í baráttunni í efri hluta riðilsins. Framundan hjá Íslandi er leikur gegn Sviss á þriðjudag sem spilar fyrst við Lúxemborg í kvöld. Sviss á svo eftir að mæta Frökkum og Ísland á leik eftir gegn Færeyjum.

Efsta lið riðilsins fer beint á EM og möguleiki er á EM sæti með því að enda í öðru sæti.

föstudagur 25. september
17:30 Sviss - Lúxemborg

þriðjudagur 29. september
15:00 Ísland-Sviss (PEPSI völlurinn)

þriðjudagur 6. október
17:00 Frakkland-Sviss
17:00 Færeyjar-Ísland (Tórsvöllur)

Stöðutaflan hefur ekki verið uppfærð