„Við þurfum svona gæja til þess að vinna leiki“

Hvernig gerirðu leikinn upp?

„Þeir taka aðeins stjórnina í fyrri hálfleiknum en mér fannst þeir ekki skapa sér sérstaklega mikið. Síðan fá þeir markið, bara pínu klaufalegt og kannski smá óheppni líka. Við komumst síðan betur inn í leikinn og í seinni hálfleik fannst mér við stíga aðeins upp, skoruðum mark og mér fannst leikurinn í heild sinni frekar jafn.“

Þið komuð af miklum krafti inn í seinni hálfleikinn. Hvað geturðu sagt um mark Daníels?

„Daníel er bara svona gæi. Við þurfum svona gæja til þess að vinna leiki. Ég er mjög sáttur með Daníel í dag, hann stóð sig mjög vel og gerði fullt fyrir liðið bæði sóknarlega og varnarlega.“

Ertu sáttur með úrslitin?

„Við viljum auðvitað vinna leikinn en við getum verið sáttir með 1-1. Það er úrslitaleikur á þriðjudaginn og síðan kannski annar úrslitaleikur í næstu viku, þannig að það er bara gaman.“

Hvernig er að vera fyrirliði?

„Það er bara gaman. Við erum með fullt af góðum leikmönnum.“

Hvernig leggst leikurinn gegn Sviss í þig?

„Bara vel. Við erum með gott lið og þeir líka.“

Viðtalið í heild sinni má finna í spilaranum hér fyrir ofan