Tvær og hálf vika er í að keppni í Pepsi Max-deild kvenna hefjist og búið er að opna fyrir skráningar í Draumaliðsdeild 50 Skills.
Kristjana Arnarsdóttir, íþróttafréttakona á RÚV, er búin að skrá sitt lið til leiks.
Kristjana Arnarsdóttir, íþróttafréttakona á RÚV, er búin að skrá sitt lið til leiks.
„Liðið mitt: Fínar FC – mjög fínt lið hjá mér nefnilega," sagði Kristjana.
„Ég set Cecilíu Rán Rúnarsdóttur í markið. Þetta er landsliðsmarkvörður framtíðarinnar. Hávaxin og örugg og fékk rosalega góða reynslu með Fylki síðasta sumar."
„Vörnin er reynslumikil og lokar bara almennilega. Svo er Anna Björk búin að vera í umræðunni hún getur ekki beðið eftir því að byrja þetta sumar með Selfyssingum. Sísí Lára, Hlín, Karólína og Jasmín eru svo grjótharðar á miðjunni og ég treysti á að þær skili góðu verki. Ennþá ungar en komnar með mjög miklar reynslu."
„Ég bind miklar vonir við Sveindísi Jane í framlínunni, klárlega einn mest spennandi leikmaður deildarinnar. Það þarf svo ekkert að fjölyrða um Elínu Mettu, hún skorar þegar hún nennir því. Og vá hvað hún á eftir að nenna því loksins þegar boltinn fær að byrja."
Smelltu hér til að taka þátt í Draumaliðsdeild 50 Skills
Athugasemdir