Haaland, Toney, Gomes, Diomande, Gyokeres, Southgate, O'Neil, De Zerbi og fleiri góðir í slúðri dagsins
banner
banner
miðvikudagur 27. mars
Úrslitaleikur Lengjubikarsins
þriðjudagur 26. mars
Umspilsleikur um EM sæti
U21 karla - EM 25 undankeppni
fimmtudagur 21. mars
EM umspilið
miðvikudagur 20. mars
Lengjubikar karla - Undanúrslit
sunnudagur 10. mars
Enska úrvalsdeildin
þriðjudagur 27. febrúar
Landslið kvenna - Þjóðadeild umspil
föstudagur 23. febrúar
fimmtudagur 1. febrúar
Úrslitaleikur Reykjavíkurmótsins
fimmtudagur 18. janúar
Vináttulandsleikur
sunnudagur 14. janúar
fimmtudagur 14. desember
Sambandsdeild UEFA
föstudagur 8. desember
Úrslitaleikur Bose-mótsins
þriðjudagur 5. desember
Þjóðadeild kvenna
mánudagur 4. desember
Umspil fyrir HM U20
föstudagur 1. desember
Þjóðadeild kvenna
fimmtudagur 30. nóvember
Sambandsdeild UEFA
sunnudagur 19. nóvember
Undankeppni EM
fimmtudagur 9. nóvember
Sambandsdeild UEFA
þriðjudagur 31. október
Landslið kvenna - Þjóðadeild
föstudagur 27. október
fimmtudagur 26. október
Sambandsdeild UEFA
miðvikudagur 18. október
Forkeppni Meistaradeildar kvenna
þriðjudagur 17. október
Undankeppni EM
föstudagur 13. október
þriðjudagur 10. október
Meistaradeild kvenna
sunnudagur 8. október
Besta-deild karla - Efri hluti
fimmtudagur 5. október
Sambandsdeild UEFA
mánudagur 2. október
Besta-deild karla - Efri hluti
sunnudagur 1. október
Besta-deild karla - Neðri hluti
Besta-deild karla - Efri hluti
Besta-deild karla - Neðri hluti
föstudagur 29. september
Fótbolti.net bikarinn
þriðjudagur 26. september
Landslið kvenna - Þjóðadeild
mánudagur 25. september
Besta-deild karla - Efri hluti
sunnudagur 24. september
Besta-deild karla - Neðri hluti
Besta-deild karla - Efri hluti
Besta-deild karla - Neðri hluti
Lengjudeild karla - Umspil
laugardagur 23. september
Besta-deild karla - Neðri hluti
Fótbolti.net bikarinn
föstudagur 22. september
Landslið kvenna - Þjóðadeild
fimmtudagur 21. september
Sambandsdeildin
miðvikudagur 20. september
Besta-deild karla - Efri hluti
Lengjudeild karla - Umspil
Besta-deild karla - Neðri hluti
mánudagur 18. september
fimmtudagur 14. september
Besta-deild kvenna - Efri hluti
miðvikudagur 13. september
þriðjudagur 12. september
Undankeppni EM U21 landsliða
mánudagur 11. september
Undankeppni EM
sunnudagur 10. september
Besta-deild kvenna - Neðri hluti
laugardagur 9. september
Lengjudeild karla
fimmtudagur 28. mars
CHAMPIONS LEAGUE: Playoffs - Women
Barcelona W - SK Brann W - 17:45
PSG (kvenna) - Hacken W - 20:00
Vináttulandsleikur
Argentina U-16 - Cote dIvoire U-16 - 17:30
Czech Republic U-16 - Mexico U-16 - 17:30
France U-16 - Saudi Arabia U-16 - 17:30
Japan U-16 - Wales U-16 - 17:30
fös 26.ágú 2022 23:53 Mynd: Fótbolti.net - Hafliði Breiðfjörð
Magazine image

Skuggaframherjinn sem á skilið tækifæri með íslenska landsliðinu

„Þetta er mitt besta tímabil og ég er að skila inn mörkum. Ég veit ekki hvað ég þarf að gera meira," segir Jasmín Erla Ingadóttir er hún er spurð út í íslenska landsliðið.

Hún var ekki valin í landsliðshópinn fyrir síðustu tvo leikina í undankeppni HM. Ákvörðun sem hún getur leyft sér að vera svekkt með og ákvörðun sem hún getur klárlega sett spurningamerki við.

Jasmín er búin að gera tíu mörk í 14 deildarleikjum með Stjörnunni í sumar og leiðir baráttuna um gullskóinn í Bestu deild kvenna. Þá hefur hún gert fjögur mörk í þremur bikarleikjum ofan á það.

Raðaði inn mörkum í yngri flokkum en meiðsli höfðu áhrif
Jasmín var gríðarlega mikill markaskorari í yngri flokkum. Tók hún eitt tímabil með 4. flokki í Fjölni þar sem hún skoraði 21 mark í tíu leikjum.

Hún var langmarkahæst í A-deild 4. flokks á þeim tíma, með níu mörkum meira en landsliðskonan Agla María Albertsdóttir sem skoraði tólf mörk í liði Breiðabliks.


Agla María Albertsdóttir.

Jasmín færði sig yfir í Fylki sumarið 2014 og var byrjuð að spila með meistaraflokki þar um leið. Hún lék fimm leiki í efstu deild og byggði svo ofan á það fyrir leiktíðina þar á eftir þar sem hún skoraði sjö mörk í 17 leikjum í Pepsi-deildinni.

Fyrir tímabilið 2016 varð hún hins vegar fyrir því óláni að slíta krossband.

„Í yngri flokkum og fyrstu árin í meistaraflokki spilaði ég alltaf fremst á miðju, fremst eða á kanti. Ég slít krossband 2016 og þegar ég kem til baka úr þeim meiðslum er ég sett aftar á miðjuna," segir Jasmín.

Þessi meiðsli áttu að hafa breytt henni sem leikmanni - úr tíu eða striker í djúpan miðjumann. Hún var færð aftar á völlinn þegar hún kom til baka úr þeim. Það var talið að hún hefði tapað eiginleikum til að spila framar.

Sumrin 2018 og 2019 spilaði hún alls 35 leiki en skoraði bara fjögur mörk. Hún fer í Stjörnuna 2019 og skorar fimm mörk í 18 leikjum það sumarið og svo eitt mark í 16 leikjum 2020.


Hitakort Jasmínar sumarið 2020. Þarna sést hversu aftarlega hún var oft á tíðum á vellinum.

Eignast barn og fer fljótt af stað
Í fyrra eignaðist Jasmín sitt fyrsta barn en hún fór fljótt aftur af stað eftir fæðinguna.

„Ég spila fyrsta leik níu vikum eftir fæðingu og meiðist strax í þeim leik. Það gekk vel að koma til baka eftir fæðinguna og var ég búin að vera æfa þá í sjö vikur. Ég var í flottu standi," segir Jasmín.

„Það sem ég áttaði mig ekki á er að það er svo mikið í gangi í líkamanum tengt til dæmis hormónum sem getur gert það að verkum að það slaknar á liðböndum, svona eins og þegar konur fara á blæðingar. Ég held að þetta hafi verið samspil margra hluta, ég ætla ekki að skella því alfarið á að ég hafi komið fljótt til baka en það er sennilega stór partur."

Jasmín spilaði ekkert meira en þennan eina leik í fyrra, í 3-0 sigri gegn ÍBV. Í þeim leik lagði hún upp tvö mörk.


Í leik með Stjörnunni sumarið 2020.

„Ég ákvað að fara ekki strax í aðgerð því ég vissi að þá myndi keppnisskapið hrökkva aftur í gang, að reyna ná síðustu leikjunum á tímabilinu. Þannig að ég fór í aðgerð í ágúst og gaf mér góðan tíma í vetur í að koma til baka og styrkja mig eins vel og ég gat."

Jasmín er með mikið keppnisskap, setur háan 'standard' og þolir ekki að tapa. Er það líklega ein af ástæðunum fyrir því hversu sterk hún hefur komið til baka.

Unnu vel saman í vetur
Jasmín ákvað að taka skynsama leið í endurhæfingunni í vetur. Hún fór rólega af stað og eftir því sem leið á þá fór hún að gera meira og meira. Samkvæmt upplýsingum sem undirritaður hefur fengið við gerð þessarar greinar þá fóru leikmenn Stjörnunnar í alls konar mælingar fyrir leiktíðina. Jasmín hafi í kjölfarið nýtt sér upplýsingarnar sem komu úr þeim mælingum eins vel og hún mögulega gat.

Þjálfarar Stjörnunnar og Jasmín unnu markvisst að því að hún myndi koma sem sterkust til baka fyrir þessa leiktíð.

Það var góð samvinna á milli allra sem komu að máli. Jasmín fékk að sjá æfingatölur og voru sett ákveðin markmið varðandi þær; hún þurfti að ná ákveðnum tölum til þess að æfa og spila meira, og tókst það mjög vel upp.

„Þegar ég kem til baka í fyrra þá var ég náttúrlega ekki með neitt hlutverk í liðinu svo ég fór að stilla mér upp sem senter á æfingum upp á gamanið. Ætli Kristján hafi ekki séð þá að það eru mörk í mér," segir Jasmín létt en hún hefur raðað inn mörkum í sumar og gerði hún þrennu gegn Aftureldingu í síðustu umferð.


Í leik með Stjörnunni í sumar.

Allt öðruvísi hlutverk en síðustu árin
Þessi undirbúningsvinna sem hún hefur lagt á sig í vetur hefur heldur betur hjálpað henni til muna. Það hefur komið í ljós að hún er fullfær um að spila mikið framar á vellinum en hún var að gera eftir meiðslin sem hún lenti í.

Það héldu kannski sumir að hún væri mögulega búin að missa hraða og kraft í kjölfarið á meiðslum og barneign, en hún hefur afsannað það í sumar.

Hún er búin að leggja mikið á sig til endurheimta líkamlegan styrk og hefur fengið verðlaun fyrir það inn á vellinum.

Í sumar hefur hún verið í allt öðruvísi hlutverk en síðustu ár. Þjálfarar Stjörnunnar eru búnir að færa hana framar á völlinn og sést það augljóslega á hitakorti hennar í sumar. Það hefur borgað sig fyrir liðið.


Hitakort Jasmínar í sumar.

Henni líður afskaplega vel í þessu hlutverki eins og hefur sést með hennar frammistöðu í sumar.

„Mér finnst ég vera holuleikmaður sem vill geta komið niður eða fundið sér pláss á milli lína til að fá boltann í lappir. Svo sting ég mér af og til inn fyrir þegar svæði opnast fyrir það," segir Jasmín.

Stjörnuliðið er sterkara
Það hefur einnig hjálpað Jasmín í sumar að Stjörnuliðið er orðið sterkara en það var. Heiða Ragney Viðarsdóttir og Ingibjörg Lúcía Ragnarsdóttir eru komnar inn á miðsvæðið og mynda sterka heild fyrir aftan hana.

Heiða Ragney er sérstaklega sterk varnarlega og er í þriðja sæti af miðjumönnum í Bestu deildinni þegar árangursríkar aðgerðir varnarlega eru skoðaðar (e. successful defensive actions per 90).

Hún er að fara í mörg varnareinvígi í hverjum leik og er að vinna 66,27 prósent þeirra sem er býsna gott. Hún er vinna góða varnarvinnu á miðsvæðinu sem er mjög mikilvægt fyrir liðið í heild sinni.

Ingibjörg Lúcía er svo góður leikmaður við hlið hennar og býr þeirra samstarf upp á gott jafnvægi.

Sú öfluga vinna sem þær er að skila, hún hjálpar til svo að Jasmín geti fengið stærra hlutverk sóknarlega.


Heiða Ragney Viðarsdóttir.

Á myndinni fyrir neðan má sjá helsta byrjunarlið Stjörnunnar í sumar; Chante í markinu, Arna Dís og Sædís bakverðir, Málfríður og Anna María miðverðir, Heiða og Ingibjörg á miðsvæðinu, Jasmín fyrir framan, Gyða og Betsy á köntunum og Katrín Ásbjörns fremst.


Helsta byrjunarlið Stjörnunnar í sumar.

Leikstíll Stjörnunnar hefur þá breyst úr því að vera skyndisóknarlið yfir í að halda boltanum meira. Þær spila sig meira í gegnum línur með færslur af köntum inn á miðju. Þær eru orðnar sókndjarfari og Jasmín fær því boltann framar á vellinum.

Árið 2019 endaði Stjarnan í fimmta sæti með 23 stig og markatöluna 21:32. Liðið var með boltann 45,24 prósent í leikjum sínum og xG-ið var að meðaltali 1,34 gegn 2,21 andstæðingnum í vil.

Stjarnan hefur verið að taka skref fram á við síðan. Í dag er liðið í þriðja sæti Bestu deildarinnar með 27 stig úr 14 leikjum, liðið er 54,3 prósent með boltann í leikjum sínum og er að vinna xG-bardagann að meðaltali 2,58 gegn 1,21.

Það er meira jafnvægi í liðinu, það er meiri þéttleiki á miðjunni, hafsentapar sem vinnur vel saman og ógnandi bakverðir. Jasmín virðist njóta þess mjög að spila með góðum leikmönnum sem hafa gert hana betri.

Samvinnan með Katrínu Ásbjörns
Eitt af því sem hefur einkennt Stjörnuna mest í sumar er góð samvinna Jasmínar og Katrínar Ásbjörnsdóttur framarlega á vellinum. Þær eru að tengja mjög vel saman og sést það þegar sendingar eru skoðaðar - að þær eru að finna hvor aðra mikið.


Sendingartölur úr leik gegn Aftureldingu sem Stjörnunni tókst að vinna. Jasmín og Katrín voru að tengja mjög vel við hvor aðra í þeim leik - eins og í mörgum öðrum leikjum í sumar.

Jasmín er mikið að vinna í kringum Katrínu Ásbjörns. Katrín er góð í að halda boltanum og dregur að sér mikla athygli, sterk í návígum. Það gefur Jasmín meira pláss til að vinna með í svæðinu fyrir aftan.


Úr leik gegn Aftureldingu fyrr í sumar. Boltinn berst til Katrínar sem dregur í sig báða miðverðina. Boltinn fer í kjölfarið til Jasmínar sem er þarna að vinna í svæðinu fyrir aftan.

Þar sem báðir miðverðirnir eru að hugsa um Katrínu, þá fær Jasmín gott skot tækifæri og er óheppin að skora ekki.

Þegar lykilsendingar eru skoðaðar þá eru Katrín og Jasmín báðar ofarlega af sóknarmönnum deildarinnar; Jasmín er með 0,64 'key passes' að meðaltali í leik og Katrín er með 0,6.

Gyða Kristín Gunnarsdóttir og Betsy Hassett eru þá ofarlega þegar kantmenn eru skoðaðir. Er greinilegt að þær eru einnig mikilvægar í sóknarleik Stjörnunnar.

Það vekur athygli að 57 prósent af lykilsendum Katrínar í sumar hafa verið á Jasmín.

Katrín dregur sig stundum út til þess að búa til meira pláss fyrir Jasmín miðsvæðis.


Úr leik gegn Breiðabliki. Stjarnan vinnur boltann ofarlega á vellinum. Betsy er með Katrínu og Jasmín fyrir framan sig. Katrín les leikinn vel og dregur sig út. Leikmenn Blika líta á Katrínu sem mikla ógn við þeirra mark; hún er með mikinn líkamlegan styrk og gæði. Það er erfitt að lesa í þetta sem varnarmaður.


Boltinn berst á Katrínu og leikmenn Blika hópast að henni. Á meðan fær Jasmín gott pláss á teignum. Katrín gerir gríðarlega vel, heldur í boltann og skilar honum á réttum tíma á liðsfélaga sinn.


Úr þessu verður mark. Jasmín leggur upp á Gyðu sem skorar.

„Það er bara svo gaman að spila með henni," segir Jasmín um Katrínu.

„Hún er með svo sturluð gæði. Ég held að það sé ekkert eitt sem lætur okkur klikka saman, heldur er það margt. Við erum alltaf tilbúnar að skapa góð færi, berjast og vinna fyrir hvor aðra. Það eru forréttindi að hafa svona góðan liðsfélaga sér við hlið."


Jasmín og Katrín Ásbjörnsdóttir.

Í sumar hafa líka aðrir leikmenn í liði Stjörnunnar sprungið út. Gyða Kristín Gunnarsdóttir er ein þeirra en hún hefur gert sjö mörk í 14 leikjum af kantinum. Hún og Betsy - kantmennirnir í liðinu - gegna miklu mikilvægi í sóknarleik liðsins. Þær eru að koma svolítið inn á völlinn og eru að tengja vel við Jasmín og Katrínu.

„Gyða hefur þroskast og bætt sig svo mikið sem leikmaður að það er aðdáunarvert," segir Jasmín.


Gyða Kristín Gunnarsdóttir.

Með hlaup eins og Lampard
Mögulega er besta orðið fyrir hlutverk Jasmínar í sumar, orðið skuggaframherji.

Hún er að vinna í þessu svæði fyrir aftan sóknarmanninn en er oft mjög framarlega á vellinum, stundum bara við hliðina á eða fyrir framan strikerinn. Hlutverk hennar er frekar flæðandi, ef svo má að orði komast. Stundum er hægt að túlka kerfi Stjörnunnar sem 4-2-3-1 og stundum sem 4-4-2.


Staðsetningar úr 2-2 jafnteflinu gegn Breiðabliki á dögunum. Jasmín og Katrín hlið við hlið.

Hún er mikið vopn í sóknarleik Stjörnunnar og er samvinna hennar við aðra leikmenn í kringum sig eftirtektarverð.

Hún er ekki sérlega mikið í boltanum, en þegar hún er í boltanum þá er hún að gera eitthvað gott við hann og er að vinna vel með leikmönnum í kringum sig. Eins og áður kemur fram þá á hún margar lykilsendingar og xA-ið (e. expected assists - líklegar stoðsendingar) hennar er 3,14 sem er mjög fínt.

En það sem hún er afskaplega góð í því er að vita hvenær á að taka hlaup í svæðið inn á teig og hvernig á að vinna í þessu svæði. Hún er mjög góð í þessu svokallaða Lampard hlaupi inn á teig og það er að skila henni miklum fjölda af mörkum.


Öll mörkin hennar í sumar hafa komið inn í teig.

Lampard var mjög góður í að lesa vörnina og hvenær hún var að falla til baka. Við höfum séð það með Jasmín í sumar.


Úlfa Dís keyrir á vörn ÍBV. Á meðan horfir Jasmín í kringum sig, hægir á sér á meðan vörnin fellur til baka. Hún býr sér þannig til pláss.

Hún fær svo boltann og nær að skora eitt af tíu deildarmörkum sínum í sumar.


Hérna er annað dæmi. Katrín ýtir varnarlínunni upp á meðan Jasmín bíður og býr til pláss.

Hún fær boltann og skorar. Varnarmennirnir eru ekki nægilega fljótir að bregðast við þar sem Katrín er búin að ýta þeim niður.

Hún er ótrúlega sniðug í því að búa til pláss fyrir sjálfa sig með því að líta upp og sjá hvað er að gerast í kringum sig. Það eru fáir - ef einhverjir - leikmenn í deildinni sem eru eins góðir í þessu og hún. Hún er svolítið að vinna í skugga framherjans og því er skemmtilegt að kalla þetta hlutverk 'skuggaframherja'.

Ef horft er á 'skuggaframherja' í nútímafótbolta þá er til dæmis hægt að nefna heimsmeistarann Antoine Griezmann, bandarísku landsliðskonuna Catarina Macario og Argentínumanninn Paulo Dybala.

Þegar horft er á klippur þá er ekki ósvipað að sjá það sem Lyon er að gera með Ödu Hegerberg og Macario og það sem Stjarnan er að gera með Katrínu Ásbjörns og Jasmínu. Þó er franska úrvalsdeildin á mun hærra gæðastigi en sú íslenska - auðvitað.



Mögulega er samt besta dæmið um þetta Frank Lampard sem er goðsögn hjá Chelsea. Hann var ótrúlega góður í því að vinna í kringum sóknarmanninn og skila sér svona inn í teig til þess að skora eða búa til mörk.

Jasmín er með 6,15 snertingar inn í teig að meðaltali í hverjum leik sem er með því hærra í deildinni. Þá er hún með hæsta xG-ið og er búin að reyna flest skot. Það sýnir að hún er að koma sér í góðar stöður - og oft er það með frábærum leikskilningi.

„Ég myndi segja að ég væri skapandi miðjumaður en ég get líka spilað sem framherji eða varnarsinnaður miðjumaður. Það eru samt sem áður ekki mínar bestu stöður," segir Jasmín.

Jasmín er mjög yfirveguð inni í teignum og er góður slúttari almennt þegar hún kemst í færin.

Ekkert farin að skoða það
Jasmín er með gríðarlegt sjálfstraust þessa stundina og sést það á hennar leik.

Stundum er hún kannski of svöl inn á vellinum og reynir of flókna hluti þegar það væri betra að gera þá bara einfalt. Mögulega er þetta eitthvað í genunum því Kristall Máni - bróðir hennar - er líka stundum sekur um þetta. Þau eru bæði ótrúlega góð í fótbolta og geta náð mjög langt.



Jasmín fór til Kýpur fyrir nokkrum árum og lék með Apollon Limassol, sem er sterkasta liðið þar í landi. Er hún eitthvað farin að hugsa um að fara aftur erlendis?

„Nei er ekkert farin að skoða það. Ég elska að vera í Garðabænum," segir þessi öflugi leikmaður.

„En auðvitað hefur það alltaf verið markmið hjá mér að fara út í atvinnumennsku og ef gott tækifæri gefst þá mun ég grípa það."




Ætti að vera í landsliðinu
Miðað við frammistöðu í sumar þá getur Jasmín svo sannarlega verið svekkt með að vera í landsliðinu. Hún ætti að vera þar - ætti að vera í hópnum fyrir komandi leiki - ef litið er á frammistöðu í sumar.

Hún er líka með eiginleika í sínum leik sem áhugavert væri að skoða fyrir leik landsliðsins; hún er stórhættuleg í teignum, er með mikla fótboltagreind, er frábær að koma sér í góðar stöður og er með sjálfstraustið í botni.

Hennar tími mun án efa koma, sérstaklega ef hún heldur áfram að spila eins og hún hefur verið að gera. Þá hlýtur hún að fá kallið, það getur í rauninni ekki annað verið.

Sjá einnig:
Jasmín fór í besta liðið á Kýpur: Spiluðum oft gegn strákum


Athugasemdir
banner
banner
banner