„Þetta verður að vera tímabilið mitt“

Barry kom til Everton frá Villarreal á síðasta ári en fékk ekki þá draumabyrjun sem hann hafði vonast eftir og þurfti að bíða fram í desember eftir fyrsta markinu. Eftir það fór boltinn að rúlla hjá Frakkanum sem lauk tímabilinu með átta mörk í öllum keppnum.

Hann fer mun betur af stað á þessari leiktíð, en Barry skoraði í 2-0 sigrinum á Crystal Palace í opnunarumferð ensku úrvalsdeildarinnar um helgina og fylgdi því síðan eftir með þrennu í kvöld.

„Þetta verður að vera tímabilið mitt. Ég lagði hart að mér í sumar til að láta það verða að veruleika og er ótrúlega ánægður með að hafa skorað mína fyrstu þrennu fyrir Everton. Ég hef unnið gríðarlega mikið fyrir þessu og liðsfélagarnir hjálpuðu mér auðvitað mikið,“ sagði Barry.