Villa dregur sig úr viðræðum um Leao

Ítalskir fjölmiðlar greina frá því að Aston Villa hafi ákveðið að fara ekki lengra með áhuga sinn á kantmanninum Rafael Leao hjá AC Milan.

Portúgalski landsliðsmaðurinn hefur einnig verið orðaður við Tottenham en ekki er útlit fyrir að hann sé á leið þangað.

Leao hefur verið hjá Milan í sjö ár en hefur ekki farið leynt með það að hann vilji nú færa sig um set og breyta til á ferlinum. Talið er líklegt að hann endi í Tyrklandi og gæti Galatasaray gert tilboð á næstu dögum.