Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   lau 26. september 2020 20:25
Guðmundur Aðalsteinn Ásgeirsson
Sveindís Jane aftur kosin best - Núna í öðrum þriðjungi
Best í fyrsta og öðrum þriðjungi Pepsi Max-deildar kvenna
Sveindís lék sína fyrstu landsleiki á dögunum.
Sveindís lék sína fyrstu landsleiki á dögunum.
Mynd: Fótbolti.net - Hafliði Breiðfjörð
Fótbolti.net og Bose taka höndum saman og velja besta leikmann hvers þriðjungs í Pepsi Max-deildunum.

Heimavöllurinn valdi fjóra leikmenn sem tilnefndir voru sem bestar í öðrum þriðjungi í kvennaflokki. Lesendur Fótbolta.net völdu svo á milli þeirra fjögurra.

Agla María Albertsdóttir (Breiðablik), Elín Metta Jensen (Valur), Phoenetia Browne (FH), Sveindís Jane Jónsdóttir (Breiðablik) voru tilnefndar.

Það fór þannig að Sveindís Jane vann kosninguna með yfirburðum, með 62,6 prósent atkvæða. Sveindís, sem er á láni hjá Breiðabliki frá Keflavík, var líka valin best í fyrsta þriðjungi en hún hefur farið á kostum í sumar og spilaði sína fyrstu A-landsleiki á dögunum.

Sveindís fær Bose SoundSport Free, þráðlaus íþrótta heyrnartól frá Origo.


Athugasemdir
banner
banner
banner
banner