Ísak Bergmann Jóhannesson er einn efnilegasti leikmaður okkar Íslendinga.
Hann er orðinn fastamaður í liði Norrköping í sænsku úrvalsdeildinni þrátt fyrir að vera aðeins 17 ára gamall. Ísak hefur til að mynda verið orðaður við Ítalíumeistara Juventus, en í vikunni sagði hollenskur fjölmiðill að Feyenoord í Hollandi væri að kaupa Ísak á eina milljón evra og hann færi í U21 liðið þar.
Hérna má lesa þessa grein sem er frá hollenska fjölmiðlinum Voetbal Flitsen.
Þetta er einfaldlega ekki satt. Magnús Agnar Magnússon, umboðsmaður Ísaks, sagði frá því á Twitter að það væri ekkert til í þessu, hann kallar þetta „falsfréttir".
Fake News https://t.co/gyb1nucK0I
— Magnus Agnar Magnusson (@totalfl) September 25, 2020
Athugasemdir