Marcelo hefur spilað meira en 500 leiki með spænska stórveldinu frá því hann gekk í raðir félagsins árið 2007.

Það er farið að hægjast á þessum hæfileikaríka leikmanni og herma fjölmiðlar á Spáni að hann sé á förum annað þegar samningur hans klárast eftir tímabilið.

Marcelo er ekki mikilvægur hluti af liði Real Madrid lengur og má hann fara annað.

El Nacional segir að Marcelo sé búinn að ákveða næsta áfangastað sinn. Hann sé á leið til Fluminense í heimalandinu - Brasilíu - þar sem hann hóf ferilinn.