Ágúst Gylfason þjálfari Gróttu
„Þetta er dálítið með ólikindum þessi leikur. Að fá þessa frábæru frammistöðu í liðið hjá okkur á gríðarlega erfiðum útivelli á móti FH sem eru með frábærlega spilandi lið og fá ekkert út úr því. Það er svo svekkjandi loksins þegar þú hittir á daginn þinn og fá ekkert út úr því.“
Sagði auðsjáanlega svekktur þjálfari Gróttu Ágúst Gylfason um leik sinna manna eftir 2-1 tap gegn FH fyrr í kvöld.
Sagði auðsjáanlega svekktur þjálfari Gróttu Ágúst Gylfason um leik sinna manna eftir 2-1 tap gegn FH fyrr í kvöld.
Lestu um leikinn: FH 2 - 1 Grótta
FH komst yfir snemma leiks en Gróttu tókst að halda FHingum vel í skefjum og uppskera jöfnunarmark eftir rúmlega klukkutíma leik. Adam var þó ekki lengi í paradís því aðeins um mínútu síðar hafði Steven Lennon komið FH yfir á ný.
„Já við fengum þetta mark. Reyndar af ódýrari gerðinni en mínútu síðar er FH komið í 2-1. Smá mistök hjá okkar mönnum og við fáum þetta í andlitið en eftir það þá var eiginlega bara sótt á annað markið og við fengum einhver færi. En eins og ég segi frábær frammistaða, frábærir áhorfendur og að fá ekkert út úr þessu það svíður.“
Gústi getur þó tekið jákvæða hluti út úr leiknum en eftir að hafa legið í vörn nánast allan leikinn gegn Víkingum í síðustu umferð bauð Grótta á köflum upp á snarpan og hraðan sóknarleik.
„Já við vorum flottir í dag og ég tek bara út úr þessu góða frammistöðu. Svekkjand að fá ekki neitt út úr þessum leik en það er svona. Svona er fótboltinn og við erum bara í þessu. Við þurfum að fá stig það er það sem við erum að leita eftir.“
Sagði Ágúst Gylfason en allt viðtalið má sjá hér að ofan.
Athugasemdir
