Ásdís Karen eftir mjólkurbaðið: Ekkert rosalega góð lykt og maður er klístraður
Auglýsing
Ásdís Karen fagnar sigurmarkinu ásamt Önnu Rakel Pétursdóttur
Mynd: Fótbolti.net - Haukur Gunnarsson
Ásdís Karen fagnar sigurmarkinu ásamt Önnu Rakel Pétursdóttur
Mynd: Fótbolti.net - Haukur Gunnarsson
„Tilfinningin er ólýsanleg. Þetta er geggjað og þess vegna er maður í þessu. Líka með alla þessa stuðningsmenn,“ sagði kampakát Ásdís Karen Halldórsdóttir eftir að hún varð bikarmeistari með Val eftir 2-1 sigur á Breiðablik.
„Mér fannst þetta geggjaður liðssigur. Við komum til baka og sýnum hvað við erum gott lið og stöndum saman,“ sagði Ásdís Karen en Valskonur lentu marki undir í leiknum.
„Auðvitað er það ekkert sérstakt að labba inn í hálfleik marki undir en þegar við fórum inn í klefa vissum við að við værum að fara að vinna þetta. Það er bara þannig.“
Ásdís Karen og Valskonur eru búnar að eiga frábært sumar, eru í góðri stöðu á toppi Bestu-deildarinnar og eru komnar áfram í næstu umferð Meistaradeildarinnar.
„Nú eru bara fjórir úrslitaleikir eftir í deildinni og við stefnum á að vinna þá alla og klára þetta. Svo er bara Evrópukeppnin líka ótrúlega spennandi og við stefnum líka á að fara áfram í riðlakeppnina. Það eru ótrúlega spennandi tímar framundan.“
Valskonur fögnuðu rækilega þegar bikarinn fór á loft og skvettu mjólk yfir hvora aðra. Ásdísi Karen fannst það ekkert sérstaklega skemmtilegt en var auðvitað til í að láta sig hafa það í tilefni titilsins.
„Þetta er ekkert sérstakt. Það er ekkert rosalega góð lykt af þessu og maður er klístraður. En þetta er allt í lagi.“ sagði nýkrýndi bikarmeistarinn að lokum.
Hægt er að horfa á allt viðtalið við Ásdísi í spilaranum hér að ofan.
„Auðvitað er það ekkert sérstakt að labba inn í hálfleik marki undir en þegar við fórum inn í klefa vissum við að við værum að fara að vinna þetta. Það er bara þannig.“
Ásdís Karen og Valskonur eru búnar að eiga frábært sumar, eru í góðri stöðu á toppi Bestu-deildarinnar og eru komnar áfram í næstu umferð Meistaradeildarinnar.
„Nú eru bara fjórir úrslitaleikir eftir í deildinni og við stefnum á að vinna þá alla og klára þetta. Svo er bara Evrópukeppnin líka ótrúlega spennandi og við stefnum líka á að fara áfram í riðlakeppnina. Það eru ótrúlega spennandi tímar framundan.“
Valskonur fögnuðu rækilega þegar bikarinn fór á loft og skvettu mjólk yfir hvora aðra. Ásdísi Karen fannst það ekkert sérstaklega skemmtilegt en var auðvitað til í að láta sig hafa það í tilefni titilsins.
„Þetta er ekkert sérstakt. Það er ekkert rosalega góð lykt af þessu og maður er klístraður. En þetta er allt í lagi.“ sagði nýkrýndi bikarmeistarinn að lokum.
Hægt er að horfa á allt viðtalið við Ásdísi í spilaranum hér að ofan.
