Markvörður Þórs skoraði frá eigin vallarhelmingi

Klukkan 17 hófst leikur Þórs og KR í 13. umferð Bestu deildar karla. Þegar þetta er skrifað er botnlið Þórs 3-0 yfir í leiknum eftir ótrúlega atburðarás á Akureyri.

1-0: Þór komst yfir eftir eina mínútu
Þór tók forystuna eftir aðeins eina mínútu þegar Ágúst Eðvald Hlynsson skoraði. „Þórsarar senda boltann upp hægri kantinn og Finnur Tómas bíður eftir honum. Ágúst setur pressu á Finn sem á arfaslaka sendingu til baka framhjá Sigurpáli í markinu og í stöngina. Ágúst hélt áfram hlaupinu og hirti frákastið einn í heiminum og renndi honum í markið," skrifaði Sigurður Bibbi sem textalýsir leiknum hér á Fótbolta.net.

2-0: Mark beint úr horni
Eftir tíu mínútna leik skoraði svo Þór aftur og komst í 2-0. Það mark kom beint úr hornspyrnu. „Horn frá vinstri. Einar snýr boltanum inn að marki og yfir Sigurpál."

3-0: Markvörður Þórs skoraði! - SJÁÐU MARKIÐ NEÐST Í FRÉTTINNI
Þremur mínútum síðar skoraði Þór aftur og nú var það markvörðurinn Aron Stefán Birkisson sem skoraði beint úr aukaspyrnu frá eigin vallarhelmingi. Boltinn flaug yfir allan völlinn og yfir Sigurpál markvörð KR.

Óskar Hrafn Þorvaldsson þjálfari KR ákvað að gera markvarðaskipti eftir 3-2 tap gegn KR í síðustu umferð. Halldór Snær Georgsson situr á bekknum en Sigurpáll Sören er í markinu og hefur átt sannkallaðan martraðarleik, þurft að sækja boltann þrívegis úr netinu.