Hákon heimsækir Englandsmeistarana - Bæði Íslendingaliðin mæta Bayern

Tvö Íslendingalið verða í deildarkeppni Meistaradeildarinnar í vetur. Hákon Arnar Haraldsson er lykilmaður í franska liðinu Lille og Amin Cosic er að koma sér fyrir hjá norsku meisturunum í Viking eftir að hafa verið keyptur frá KR í vetur. Dregið var í dag hvaða andstæðingunum liðin mæta í vetur.

Hvert lið spilar átta leiki; fjóra heimaleiki og fjóra útileiki. Liðin mæta tveimur liðum úr öllum fjórum styrkleikaflokkunum og geta ekki mætt liði frá sínu landi. Lille var í styrkleikaflokki þrjú en Viking var í fjórða flokki. Viking er í fyrsta sinn í sögu félagsins í Meistaradeildinni en Lille var síðast veturinn 2024/25.

Lille mætir m.a. Englandsmeisturum Arsenal á útivelli og Bayern München og Roma á heimavelli.

Viking fer m.a. í heimsókn á Villa Park í Birmingham og heimsækir þar Aston Villa. Bayern Müchen kemur þá í heimsókn til Noregs.

Ekki er ljóst á þessum tímapunkti hvenær leikirnir verða spilaðir.