Stuðningsmenn Juventus eru margir hverjir óánægðir með að Paul Pogba ákvað að mæta og horfa á Formúlu 1 kappaksturinn í Abú Dabí í gær, í stað þess að fara á nágrannaslaginn gegn Inter.
Þessi þrítugi Frakki er í banni eftir að hafa fallið á lyfjaprófi. Hann er nú að vinna að málsvörn sinni en talið er að hann gæti fengið allt að fjögurra ára bann.
Pogba var ekki meðal áhorfenda þegar Juventus gerði 1-1 jafntefli gegn Inter í gær því hann ferðaðist til Abú Dabí og var viðstaddur síðasta Formúlu 1 kappakstur tímabilsins. Með í för var hans fyrrum liðsfélagi Patrice Evra.
Á samfélagsmiðlum er Pogba gagnrýndur fyrir að fara í skemmtiferð í stað þess að sýna liðsfélögum sínum stuðning í einum mikilvægasta leik tímabilsins.
Athugasemdir
