Kepa með langbesta markvörsluhlutfallið
Mynd: Getty Images
Mynd: Getty Images
Spænski markvörðurinn Kepa Arrizabalaga er búinn að endurheimta byrjunarliðssætið á milli stanga Chelsea.
Edouard Mendy hefur ekki verið sá sami eftir meiðsli sem hann hlaut á Afríkumótinu í sumar á meðan Kepa hefur verið feykilega öflugur.
Kepa spilaði aðeins í síðasta leik Thomas Tuchel við stjórnvölinn hjá Chelsea, í 1-0 tapi gegn Dinamo í Zagreb, en svo tók Graham Potter við. Undir stjórn Potter hefur Kepa spilað alla leiki Chelsea og á liðið enn eftir að tapa leik með Potter við stjórnvölinn.
Kepa hefur verið framúrskarandi í þessum tíu leikjum sem hann hefur spilað og þá sérstaklega í ensku úrvalsdeildinni. Þar er hann með besta markvörsluhlutfall allra markvarða í deildinni, eða 91,3% varin skot.
Nick Pope er í öðru sæti með 78,7% varin skot og þar á eftir koma Jordan Pickford, Lukasz Fabianski og Neto.
Kepa has been a revelation for @ChelseaFC under Graham Potter! 👏 pic.twitter.com/sFkNy3gepn
— Premier League (@premierleague) October 28, 2022
