Dortmund vill ekki Sancho - Liverpool hefur áhuga á Rodrygo ef Salah fer - Messi gæti misst af úrslitaleik
   mán 29. maí 2023 20:41
Brynjar Ingi Erluson
Fulham hefur áhuga á Fred
Mynd: Getty Images
Enska úrvalsdeildarfélagið Fulham hefur áhuga á því að fá brasilíska miðjumanninn Fred frá Manchester United í sumar.

Fred, sem er þrítugur, er einn af þrettán leikmönnum sem gætu yfirgefið United í sumar.

Hann sást ræða við Marco Silva, stjóra Fulham, eftir leik liðanna í gær en Fulham er sagt áhugasamt um að fá hann í glugganum.

Rúmir þrír mánuðir eru síðan Fred spilaði síðast heilan leik fyrir United í úrvalsdeildinni og er félagið reiðubúið að leyfa honum að fara.

Fulham er ekki eina félagið sem hefur áhuga á að krækja í Fred en hann er með tilboð frá öðrum klúbbum. Þetta kemur fram í Daily Mail.

Þrír Brasilíumenn eru á mála hjá Fulham en það eru þeir Willian, Carlos Vinicius og Andreas Pereira, fyrrum liðsfélagi Fred hjá United.
Enski boltinn - Verðlaun veitt eftir að veislan kláraðist
Athugasemdir
banner