Þrír varnarmenn fjarverandi hjá KA - Tveir meiddir og einn veikur
Ívar Örn Árnason
Mynd: Fótbolti.net - Hafliði Breiðfjörð
Ívar Örn Árnason
Mynd: Fótbolti.net - Hafliði Breiðfjörð
KA og Fram eru þessa stundina að etja kappi á Greifavellinum á Akureyri í Bestu deildinni.
Hallgrímur Jónasson þjálfari KA gerir tvær breytingar á liðinu sem steinlá 4-0 gegn Víkingi í síðustu umferð. Pætur Petersen og Ingimar Stöle detta út úr liðinu. Elfar Árni Aðalsteinsson og Hrannar Björn Steingrímsson koma inn í þeirra stað.
KA hefur verið í miklum vandræðum í undanförnum leikjum en liðið hefur tapaði 10-0 samanlagt í síðustu þremur leikjum.
Það eru skörð hoggin í vörn KA í dag en Hallgrímur greindi frá því í viðtali við Stöð 2 fyrir leikinn að um meiðsli og veikindi væru að ræða.
Ívar Örn tók út leikbann í 4-0 tapi liðsins gegn Víkingi í síðustu umferð en hann er fjarverandi í dag vegna meiðsla rétt eins og Birgir Baldvinsson. Þá er Ingimar Stöle ekki með vegna veikinda.
