Spánn: Lamine Yamal lagði sigurmarkið upp fyrir Ramos

Heimamenn í Barcelona fengu hættulegri færi en gestirnir frá Suður-Spáni komust einnig nálægt því að skora. Joao Felix átti bestu tilraunina þegar hann átti frábært skot í slána en boltinn rataði ekki í netið. Dodi Lukebakio var líflegur í liði Sevilla en tókst ekki að komast á blað.

Síðari hálfleikurinn var áfram jafn þar sem bæði lið sköpuðu sér góð færi, en að lokum var það ungstirnið Lamine Yamal sem réði úrslitum.

Yamal slapp innfyrir vörnina, hljóp að endalínunni og ætlaði að gefa lága sendingu út í teiginn en gamla kempan Sergio Ramos komst fyrir sendinguna. Ramos náði þó ekki stjórn á boltanum og skoraði sjálfsmark.

Barca er tímabundið á toppi spænsku deildarinnar með 20 stig eftir 8 umferðir, en Girona og Real Madrid eigast við á morgun og getur sigurliðið tekið toppsætið.

Sevilla hefur ekki farið vel af stað á nýju tímabili og er aðeins komið með sjö stig eftir sjö umferðir.

TENGT EFNI29.09.23 - 19:18

Yamal og Ramos mætast: Hittust fyrst 2016