Tveimur leikjum var að ljúka í spænska boltanum þar sem Celta Vigo nældi sér í langþráðan sigur.

Celta tók á móti Granada og sýndi mikla yfirburði í leiknum. Gestirnir frá Granada komust yfir í fyrri hálfleik en Nolito var snöggur að jafna.

Celta komst nálægt því að taka forystuna nokkrum sinnum áður en Miguel Baeza og Fran Beltran náðu að koma knettinum í netið á lokakaflanum og tryggja verðskuldaðan 3-1 sigur.

Celta er aðeins með 10 stig eftir 11 umferðir, en þetta var þriðja tap Granada í röð og er liðið með 14 stig.

Celta Vigo 3 - 1 Granada
0-1 Suarez Charris ('25)
1-1 Nolito ('27)
2-1 Miguel Baeza ('81)
3-1 Francisco Beltran ('85)
Rautt spjald: Okay Yokuslu, Celta ('98)

Getafe tók þá á móti Athletic Bilbao og leiddu gestirnir frá Baskalandi eftir jafnan fyrri hálfleik.

Getafe var betra liðið í síðari hálfleik en fékk ekki sérlega mikið af færum.

Angel nýtti þó eitt þeirra til að jafna og urðu lokatölur 1-1.

Liðin eru jöfn um miðja deild, með 13 stig eftir 10 umferðir.

Getafe 1 - 1 Athletic Bilbao
0-1 Asier Villalibre ('9)
1-1 Angel ('75)

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit