Hermann Hreiðarsson, þjálfari Vals.
„Þetta er frábær tímasetning, laugardagskvöld. Þetta eru erkifjendur og það gæti ekki verið hægt að hafa þetta betra," sagði Hermann Hreiðarsson, þjálfari Vals,
Þessir leikir eru sérstakir og hann verður enn sérstakari undir flóðljósunum á laugardaginn.
Þessir leikir eru sérstakir og hann verður enn sérstakari undir flóðljósunum á laugardaginn.
„Ég vona að fólk mæti og fylli stúkuna. Þetta eru tvo orkumikil lið og hvað þá ef stúkan verður svolítið þétt setin og alvöru læti þar líka. Þá lofa ég frábærri skemmtun."
KR lagði Val að velli í bikarnum fyrir mót, má búast við öðruvísi leik á laugardaginn?
„Það er mánuður síðan og komnar ansi margar mínútur í marga menn sem voru lítið búnir að spila og lítið búnir að spila saman. Það er stígandi í okkar leik."
„KR er með stórskemmtilegt lið og mikil orka í þeim. Við verðum að vera klárir í það og þurfum að mæta þeim í einu og öllu."
Valsmenn byrjuðu tímabilið á tapi gegn KR í bikarnum og tapi gegn Þór en svo hafa komið þrír sigrar í röð. Sigurinn nærir svo sannarlega.
„Sigurinn er alltaf nærandi á bæði líkama og sál. Mér fannst umræðan óþarflega neikvæð og leiðinleg. Eina sem við gátum gert var að snúa henni okkur í vil, snúa öldunni okkur í hag. Þú gerir það bara með því að vinna fótboltaleiki. Þetta hefur víðtæk áhrif," sagði Hemmi.
Allt viðtalið er hægt að sjá í spilaranum hér að ofan.
