Ólíkt útlit en svipaður leikstíll í stærsta leik tímabilsins
Mynd: Instagram
Mynd: Instagram
Hvort myndir þú vilja hafa hinn spænska David Raya, markvörð Arsenal, eða Matvey Safanov, markvörð París Saint-Germain, milli stanganna í þínu liði? Þegar stórt er spurt er oft fátt um svör, en líklega ekki að þessu sinni.
Englandsmeistarar Arsenal og Frakklandsmeistarar PSG mætast í kvöld á Ferenc Puskás-vellinum í Ungverjalandi í stærsta leik knattspyrnutímabilsins, úrslitaleik Meistaradeildar Evrópu.
Ef allt er eðlilegt munu Raya, þrítugur Spánverji, og Safonov, 27 ára Rússi, standa vaktina í sitthvoru markinu. Báðir hafa þurft að hafa fyrir því að vera þar sem þeir eru í dag.
Bestur í heimi?
Spánverjinn er á sínu þriðja tímabili eftir að koma fyrst til Arsenal á láni frá Brentford. Þrátt fyrir að vera fæddur á Spáni gekk Raya ungur að árum til liðs við Blackburn Rovers. Það verður að telja sérstaklega merkilegt að Raya hafi endað á Englandi þar sem hann er aðeins 1.83 metri á hæð.
Raya var á mála hjá Blackburn frá 2014 til 2019 og spilaði yfir 100 leiki fyrir liðið, þá lék hann með Southport á láni hluta tímabilsins 2014-15. Það var svo árið 2019 sem Raya gengur til liðs við Brentford. Þar kynnist hann markmannsþjálfaranum og samlanda sínum Iñaki Caña en þeir starfa í dag saman hjá Arsenal.
Án þess að gefa markmannsþjálfaranum allan heiðurinn þá er deginum ljósara að Raya væri ekki þar sem hann er í dag ef ekki væri fyrir Caña. Síðan hann gekk í raðir Arsenal hefur Raya svo verið með betri markvörðum heims og ef hann stendur uppi sem sigurvegari í kvöld má færa mjög góð rök fyrir því að hann sé bestur í heimi. Hvort það sé nóg til að hirða byrjunarliðssætið hjá Spáni á HM er svo önnur saga en til þessa hefur Raya aðeins spilað 12 A-landsleiki.
Toppar alla tölfræði
Ef leið Arsenal í úrslitaleikinn er skoðuð er ákveðið þema sem kemur fyrir aftur og aftur, liðið fær varla á sig mark. Í 13 leikjum til þessa með Raya í markinu hafa Skytturnar aðeins fengið á sig fjögur (!) mörk. Þá hefur engu liði tekist að skora meira en eitt mark í leik. Það þýðir að níu (!) sinnum hefur Raya haldið marki sínu hreinu í Meistaradeildinni.
Liðin fjögur sem hefur tekist að þenja netmöskvana á marki Raya eru Bayern München, Inter, Bayer Leverkusen og Atlético Madríd.
Það segir sitt um varnarleik Arsenal að Raya er í 10. sæti þegar kemur að flestum skotum vörðum í Meistaradeildinni í ár. Alls hefur sá spænski varið 34 skot eða 89.2% allra skota sem hafa ratað á markið. Samkvæmt FotMob hefur Raya svo komið í veg fyrir flest mörk allra markvarða í keppninni til þessa eða 4.6 talsins.
Takist honum að bæta við þá tölfræði í kvöld eiga Skytturnar bullandi möguleika gegn ríkjandi Evrópumeisturunum frá París.
Rússinn Ódrepandi
Matvey Yevgenyevich Safonov, eins og hann heitir fullu nafni, gekk í raðir stórliðs PSG sumarið 2024. Líklega var hann hugsaður sem varaskeifa fyrir hinn risavaxna Gianluigi Donnarumma en Rússinn var ekki á sama máli. Þó Safonov sé á engan hátt sami skrokkur og Ítalinn þá munar aðeins fjórum sentímetrum á þeim félögum. Rússinn er 1.92 metri á hæð meðan Donnarumma er 1.96. Það er ef við treystum öllu sem við lesum á netinu.
Á sínu fyrsta tímabili í Frakklandi lék Safonov tíu leiki í deild og tvo í Meistaradeild. Síðasta sumar gerðist svo hið ótrúlega, PSG ákvað að selja Donnarumma og festa kaup á Lucas Chevalier, markverði Lille. Átti sá síðarnefndi að verða aðalmarkvörður félagsins en aftur þá var Safonov hreinlega ekki á sama máli.
Hann hóf tímabilið vissulega á bekknum en fékk svo tækifærið í desember. Náði hann að spila tvo deildarleiki áður en hann meiddist á hendi og missti af næstu þremur. Luis Enrique, þjálfari liðsins, hafði hins vegar séð nóg og setti Rússann rakleiðis aftur í byrjunarliðið þegar hann var leikfær á nýjan leik. Þar hefur Safonov verið nær allar götur síðan ef frá eru taldir deildarleikirnir sem spilaðir voru sitthvoru megin við síðari leikinn gegn Bayern í undanúrslitum.
Allt í lagi ekki gott
Þó Safonov hafi varið einu skoti meira en Raya í keppninni, þrátt fyrir að spila þremur leikjum minna, þá er önnur tölfræði hans langt í frá í sama klassa og hjá þeim spænska.
Í þeim 10 leikjum sem Safonov hefur spilað hefur hann haldið fjórum sinnum hreinu og varið 35 skot. Þá hefur hann aðeins komið í veg fyrir 0.7 mörk. Það er þó skömminni skárra en Chevalier sem fékk á sig 1.8 marki meira en eðlilegt er í þeim sex leikjum sem hann tók þátt í.
Þrátt fyrir hæðarmuninn, og tölfræði muninn, má segja að bæði Raya og Safonov séu góðir í sömu hlutunum þegar kemur að markvörslu. Báðir eru leiftursnöggir á línunni, hafa gert það að listgrein að verja skot af stuttu færi og kunna að velju réttu augnablikin til að koma af línunni og gera árás á fyrirgjafir.
Ári eftir að horfa á Donnarumma gera sitt til að tryggja PSG eftirsóttasta titilinn af þeim öllum, allavega með félagsliði, fær Safonov tækifæri til að gera slíkt hið sama. Hvort hann grípi gæsina kemur í ljós í Ungverjalandi í kvöld.
Runólfur Trausti Þórhallsson er menntaður markmannsþjálfari og mun birta vikulega pistla tengda markvörslu. Allt frá Bestu deildum karla og kvenna yfir til Meistaradeildar Evrópu.
Ef allt er eðlilegt munu Raya, þrítugur Spánverji, og Safonov, 27 ára Rússi, standa vaktina í sitthvoru markinu. Báðir hafa þurft að hafa fyrir því að vera þar sem þeir eru í dag.
Bestur í heimi?
Spánverjinn er á sínu þriðja tímabili eftir að koma fyrst til Arsenal á láni frá Brentford. Þrátt fyrir að vera fæddur á Spáni gekk Raya ungur að árum til liðs við Blackburn Rovers. Það verður að telja sérstaklega merkilegt að Raya hafi endað á Englandi þar sem hann er aðeins 1.83 metri á hæð.
Raya var á mála hjá Blackburn frá 2014 til 2019 og spilaði yfir 100 leiki fyrir liðið, þá lék hann með Southport á láni hluta tímabilsins 2014-15. Það var svo árið 2019 sem Raya gengur til liðs við Brentford. Þar kynnist hann markmannsþjálfaranum og samlanda sínum Iñaki Caña en þeir starfa í dag saman hjá Arsenal.
Án þess að gefa markmannsþjálfaranum allan heiðurinn þá er deginum ljósara að Raya væri ekki þar sem hann er í dag ef ekki væri fyrir Caña. Síðan hann gekk í raðir Arsenal hefur Raya svo verið með betri markvörðum heims og ef hann stendur uppi sem sigurvegari í kvöld má færa mjög góð rök fyrir því að hann sé bestur í heimi. Hvort það sé nóg til að hirða byrjunarliðssætið hjá Spáni á HM er svo önnur saga en til þessa hefur Raya aðeins spilað 12 A-landsleiki.
TENGT EFNI
Valdi Raya bestan og setti saman lið ársins
Toppar alla tölfræði
Ef leið Arsenal í úrslitaleikinn er skoðuð er ákveðið þema sem kemur fyrir aftur og aftur, liðið fær varla á sig mark. Í 13 leikjum til þessa með Raya í markinu hafa Skytturnar aðeins fengið á sig fjögur (!) mörk. Þá hefur engu liði tekist að skora meira en eitt mark í leik. Það þýðir að níu (!) sinnum hefur Raya haldið marki sínu hreinu í Meistaradeildinni.
Liðin fjögur sem hefur tekist að þenja netmöskvana á marki Raya eru Bayern München, Inter, Bayer Leverkusen og Atlético Madríd.
Það segir sitt um varnarleik Arsenal að Raya er í 10. sæti þegar kemur að flestum skotum vörðum í Meistaradeildinni í ár. Alls hefur sá spænski varið 34 skot eða 89.2% allra skota sem hafa ratað á markið. Samkvæmt FotMob hefur Raya svo komið í veg fyrir flest mörk allra markvarða í keppninni til þessa eða 4.6 talsins.
Takist honum að bæta við þá tölfræði í kvöld eiga Skytturnar bullandi möguleika gegn ríkjandi Evrópumeisturunum frá París.
Rússinn Ódrepandi
Matvey Yevgenyevich Safonov, eins og hann heitir fullu nafni, gekk í raðir stórliðs PSG sumarið 2024. Líklega var hann hugsaður sem varaskeifa fyrir hinn risavaxna Gianluigi Donnarumma en Rússinn var ekki á sama máli. Þó Safonov sé á engan hátt sami skrokkur og Ítalinn þá munar aðeins fjórum sentímetrum á þeim félögum. Rússinn er 1.92 metri á hæð meðan Donnarumma er 1.96. Það er ef við treystum öllu sem við lesum á netinu.
Á sínu fyrsta tímabili í Frakklandi lék Safonov tíu leiki í deild og tvo í Meistaradeild. Síðasta sumar gerðist svo hið ótrúlega, PSG ákvað að selja Donnarumma og festa kaup á Lucas Chevalier, markverði Lille. Átti sá síðarnefndi að verða aðalmarkvörður félagsins en aftur þá var Safonov hreinlega ekki á sama máli.
Hann hóf tímabilið vissulega á bekknum en fékk svo tækifærið í desember. Náði hann að spila tvo deildarleiki áður en hann meiddist á hendi og missti af næstu þremur. Luis Enrique, þjálfari liðsins, hafði hins vegar séð nóg og setti Rússann rakleiðis aftur í byrjunarliðið þegar hann var leikfær á nýjan leik. Þar hefur Safonov verið nær allar götur síðan ef frá eru taldir deildarleikirnir sem spilaðir voru sitthvoru megin við síðari leikinn gegn Bayern í undanúrslitum.
Allt í lagi ekki gott
Þó Safonov hafi varið einu skoti meira en Raya í keppninni, þrátt fyrir að spila þremur leikjum minna, þá er önnur tölfræði hans langt í frá í sama klassa og hjá þeim spænska.
Í þeim 10 leikjum sem Safonov hefur spilað hefur hann haldið fjórum sinnum hreinu og varið 35 skot. Þá hefur hann aðeins komið í veg fyrir 0.7 mörk. Það er þó skömminni skárra en Chevalier sem fékk á sig 1.8 marki meira en eðlilegt er í þeim sex leikjum sem hann tók þátt í.
Þrátt fyrir hæðarmuninn, og tölfræði muninn, má segja að bæði Raya og Safonov séu góðir í sömu hlutunum þegar kemur að markvörslu. Báðir eru leiftursnöggir á línunni, hafa gert það að listgrein að verja skot af stuttu færi og kunna að velju réttu augnablikin til að koma af línunni og gera árás á fyrirgjafir.
Ári eftir að horfa á Donnarumma gera sitt til að tryggja PSG eftirsóttasta titilinn af þeim öllum, allavega með félagsliði, fær Safonov tækifæri til að gera slíkt hið sama. Hvort hann grípi gæsina kemur í ljós í Ungverjalandi í kvöld.
Runólfur Trausti Þórhallsson er menntaður markmannsþjálfari og mun birta vikulega pistla tengda markvörslu. Allt frá Bestu deildum karla og kvenna yfir til Meistaradeildar Evrópu.
