þri 30. júní 2020 17:55
Sæbjörn Þór Þórbergsson Steinke
Bild: Sane frá City til Bayern er klárt
Leroy Sane.
Leroy Sane.
Mynd: Getty Images
Samkvæmt þýska blaðinu Bild er allt frágengið á milli Manchester City og Bayern Munchen um að þýski vængmaðurinn, Leroy Sane, muni skipta yfir í Bayern Munchen.

Búist er við því að félagaskiptin verði staðfest fljótlega. Sane er sagður skrifa undir fimm ára samning við Bayern og mun hann kosta á bilinu 45-55 milljónir punda.

Sane er 24 ára og hefur verið lengi frá vegna meiðsla. Hann er þó orðinn heill heilsu en Guardiola, stjóri City, hefur kosið að nota hann lítið í síðustu leikjum.

„Hann vill fara til annars félags. Ég veit ekki hvort hann fari í sumar eða næsta sumar þegar samningurinn rennur út," sagði Guardiola fyrir ekki svo löngu síðan.


Athugasemdir
banner
banner
banner