Xavi lítur á Busquets sem lykilleikmann

Busquets er 34 ára gamall og með tæpt ár eftir af samningi sínum við Börsunga. Félög úr MLS deildinni hafa sýnt honum áhuga að undanförnu en miðjumaðurinn varnarsinnaði sagðist í viðtali á dögunum ekki vera viss hvað næsta skref ferilsins yrði.

„Busquets mun taka ákvörðun um framtíðina næsta sumar. Þangað til verður hann lykilmaður fyrir okkur," sagði Xavi.

Busquets hefur spilað rétt tæpa 700 keppnisleiki fyrir Barcelona, þann fyrsta tímabiið 2008-09. Hann á 139 leiki að baki fyrir spænska landsliðið.

Barca hefur farið vel af stað á nýju tímabili og er með 16 stig eftir 6 umferðir, tveimur stigum eftir toppliði Real Madrid sem er með fullt hús stiga.