Ronaldo kveður Portúgal - Sjö ógleymanleg augnablik á 23 árum

Cristiano Ronaldo tilkynnti í gær að hann væri að kveðja portúgalska landsliðið eftir 23 ára feril. Ronaldo, sem er 41 árs gamall, hefur leikið 234 landsleiki og skorað í þeim 146 mörk, en hann er bæði leikja- og markahæsti landsliðsmaður sögunnar í karlaflokki. Á ferlinum hefur hann unnið Evrópumeistaratitilinn og tvívegis Þjóðadeildina, auk þess að setja ótal met sem erfitt verður að jafna.

Landsliðsferill Ronaldo hófst árið 2003 og hefur verið fullur af eftirminnilegum augnablikum. Frá tárunum á EM 2004 til langþráðs Evrópumeistaratitils tólf árum síðar hefur hann upplifað bæði miklar hæðir og lægðir í landsliðstreyjunni. Í tilefni af ákvörðun hans tók Fótbolti.net saman sjö augnablik sem standa upp úr á þessum ótrúlega ferli.