Nú er í gangi leikur Aston Villa og Brighton í ensku úrvalsdeildinni en þegar þetta er skrifað eru heimamenn í Villa þremur mörkum yfir.
Leikurinn fór fjörlega af stað og fengu bæði lið færi áður en Ollie Watkins kom Aston Villa í forystu. Eftir frábæra sókn átti Matty Cash fullkomna fyrirgjöf á Watkins sem skilaði boltanum í netið.
Einungis sjö mínútum síðar skoraði Watkins sitt annað mark og nú eftir góðan undirbúning frá Moussa Diaby. Watkins kláraði færið vel í nærhornið og hann hefur nú skorað í tveimur deildarleikjum í röð eftir erfiða byrjun fyrir framan markið.
Villa var ekki hætt en á 26. mínútu gerði Pervis Estupinan sjálfsmark. Títtnefndur Diaby átti þá misheppnað skot sem Estupinan stýrði í sitt eigið net. Ótrúlegar tölur á Villa Park.
Sjáðu annað markið hjá Watkins hér.
