BBC hefur tekið saman slúðurpakka dagsins á Englandi sem er birtur hér í boði Powerade. Í dag er úr ýmsu að taka þar sem Iliman Ndiaye, Adam Wharton og Igor Thiago eru eftirsóttir.
Man City, Tottenham og Liverpool hafa sett sig í samband við Everton til að spyrjast fyrir um Iliman Ndiaye, 25 ára landsliðsmann Senegal. (Foot Mercato)
Man Utd ætlar að kaupa Adam Wharton, 21 árs miðjumann Crystal Palace og enska landsliðsins, fyrir 70 milljónir punda næsta sumar. Wharton ætlar hins vegar ekki að skipta til Old Trafford ef Rauðu djöflunum mistekst að komast í Evrópukeppni fyrir næstu leiktíð. (Mirror)
Newcastle er að undirbúa stórt tilboð í brasilíska kantmanninn Raphinha, 28, næsta sumar. Raphinha leikur fyrir Spánarmeistara Barcelona og er talið ólíklegt að þeir vilji selja. (Fichajes)
Murillo, 23 ára miðvörður Nottingham Forest og brasilíska landsliðsins, er efstur á óskalista Barcelona yfir nýja varnarmenn. (Fichajes)
Aston Villa er tilbúið til að leggja fram 50 milljóna punda tilboð í Igor Thiago, 24 ára framherja Brentford sem hefur verið að raða inn mörkum á fyrri hluta tímabils. Igor er kominn með 12 mörk í 14 leikjum í deild og bikar. (Mirror)
Crystal Palace og Fulham eru að fylgjast náið með Rocco Vata, tvítugum kantmanni Watford og írska landsliðsins. Watford vill fá 20 milljónir punda fyrir Vata. (Daily Mail)
Tottenham ætlar að berjast við Manchester United um kamerúnska miðjumanninn Carlos Baleba, sem er aðeins 21 árs gamall. (Caught Offside)
Brighton hefur engan áhuga á að selja Jack Hinshelwood, 20, þrátt fyrir mikinn áhuga frá Nottingham Forest. (Football Insider)
Búist er við að Sergio Ramos, fyrrum varnarjaxl Real Madrid og spænska landsliðsins, yfirgefi Monterrey þegar samningur hans rennur út um áramótin. Hann ætlar þó ekki að leggja fótboltaskóna á hilluna. (Marca)
Ivan Toney, 29, hefur verið orðaður við endurkomu í enska boltann. Honum líður hins vegar vel í Sádi-Arabíu og mun ekki yfirgefa Al-Ahli í janúarglugganum. (Talksport)
Athugasemdir
