Félagaskiptaglugginn í janúar er búinn að loka í öllum helstu deildum Evrópu en félög hafa enn tæplega tvo tíma til að ganga frá síðustu félagaskiptunum.
Glugginn lokaði klukkan 23:00 á Englandi en félög hafa tíma til 01:00 til að senda gögn til FIFA, svo fremi sem umræddur leikmaður hafi skrifað undir samning fyrir klukkan 23:00.
Félagaskipti Odion Ighalo til Manchester United geta því enn gengið í gegn. Allir stærstu fjölmiðlar á Englandi eru sammála um að nígeríski sóknarmaðurinn sé á leið til Rauðu djöflanna.
Þá er West Ham að ganga frá kaupum á Jarrod Bowen frá Hull City, sem kostar 20 milljónir punda.
Athugasemdir