Eins og kom fram fyrr í kvöld þá voru mikil læti fyrir utan Anfield fyrir leik Liverpool og Man City þar sem liðsrúta Man City varð fyrir skemmdum.
Steven Gerrard fyrrum fyrirliði Liverpool sagði á BT Sport í kvöld að stuðningsmenn Liverpool hafi þarna farið yfir strikið.
„Það er engin þörf fyrir þetta. Svona setur svartan blett á kvöldið hjá okkur. Þetta er eitthvað sem félagið vill ekki vera þekkt fyrir," sagði Gerrard um hegðun stuðningsmanna fyrir leik.
„Við viljum hafa magnað andrúmsloft á Anfield sem lætur andstæðinginn óttast að koma og spila á vellinum en að gera það sem þessir einstaklingar gerðu í dag er algjörlega út úr korti, þeir fóru yfir strikið."
Athugasemdir
