Liverpool og Chelsea eigast nú við í úrslitaleik enska deildabikarsins, en athygli vakti fyrir leik að Mario Balotelli er ekki í leikmannahóp Liverpool.

Ítalski framherjinn hefur valdið vonbrigðum á sínu fyrsta tímabili í Bítlaborginni og hefur jafnvel verið orðaður við brottför frá félaginu, og því voru orðrómarnir fljótir af stað á samfélagsmiðlum í dag.

Balotelli greindi þó frá því á Instagram að hann sé veikur, en hann fylgist þó með liðsfélögum sínum í sjónvarpinu.