Fotbolti.net

Leita

Leita í fréttum

Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.

Leitarhamur

Dagsetning

Ef ekkert leitarorð er slegið inn notar síðan dagsetninguna sem einfalt fréttasafnsfilter.

Niðurstöður

Leit að "(Staðfest)" í fyrirsögn og texta skilaði 25104 niðurstöðum.

Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.

Niðurstöður

FRÉTTIR27.03.2025, 16:51

Ísabella Sara til Rosengård (Staðfest) - Verður í treyju númer 10

Rosengård hefur fest kaup á einum efnilegasta leikmanni landsins því Ísabella Sara Tryggvadóttir er gengin í raðir félagsins. Sænska félagið kaupir Ísabellu frá bikarmeisturum Vals. <i>„Rosengård er einn stærsti klúbburinn í Skandinavíu kvennamegin og því ljóst að þetta er frábært tækifæri fyrir Ísabellu. Hún framlengdi samningi sínum við okkur um fjögur ár á dögunum en þetta er tækifæri sem býðst ekki á hverjum degi. Við erum afskaplega ánægð fyrir hennar hönd,“</I> segir Björn Steinar Jónsson formaður knattspyrnudeildar Vals. Ísabella Sara er 18 ára sóknarsinnaður miðjumaður sem kom til Vals frá KR fyrir tímabilið 2023. Hún er unglingalandsliðskona sem er nú gengin í raðir sænsku meistaranna. Þar hittir hún fyrir landsliðskonuna Guðrúnu Arnardóttur sem er í lykilhlutverki í liðinu.

FRÉTTIR26.03.2025, 17:00

Emma Starr til Keflavíkur (Staðfest)

Keflavík tilkynnti í dag að Emma Starr væri genginn í raðir félagsins og mun hún spila með liðinu í Lengjudeildinni í sumar. Emma er miðjumaður sem hefur m.a. leiki á Írlandi, Englandi, í Danmörku, Austurríki og síðast í Ástralíu. Emma er fædd árið 1994 og er frá Bandaríkjunum.

FRÉTTIR25.03.2025, 16:26

William Tönning í KA (Staðfest)

KA hefur krækt í danska markmanninn William Tönning og verður hann hluti af leikmanahópi liðsins á komandi tímabili. Hann gæti spilað sinn fyrsta leik fyrir félagið í kvöld þegar KA tekur á móti Þór klukkan 18:00 í úrslitaleik Kjarnafæðimótsins. Tönning er 25 ára Dani sem var síðast á mála hjá sænska C-deildar félaginu Ängelholms. Hann hefur á sínum ferli spilað í Danmörku, Bandaríkjunum, Svíþjóð, Færeyjum og Nýja-Sjálandi á sínum ferli.

FRÉTTIR25.03.2025, 12:15

Dagur Orri í HK á láni (Staðfest)

Dagur Orri Garðarsson er genginn í raðir HK á láni frá Stjörnunni út komandi tímabil. Félögin greina frá þessu í dag. Dagur er 19 ára sóknarmaður og er uppalinn hjá Stjörnunni. Hann lék með KFG í 2. deildinni í fyrra og skoraði 10 mörk í 17 leikjum. Dagur er sonur markaskorarans Garðars Jóhannssonar sem lék átta landsleiki á sínum tíma.

FRÉTTIR25.03.2025, 09:49

Þróttarar fá tvo frá Fram (Staðfest)

Reykjavíkur Þróttarar hafa fengið tvo leikmenn frá Fram til að þétta raðirnar fyrir komandi átök í Lengjudeildinni. Markmaðurinn Benjamín Jónsson er mætur í Laugardalinn en samningur hans við Fram er úr gildi og hefur hann fengið félagaskipti í Þrótt. Benjamín er fæddur árið 2003 og var á láni hjá Þrótti Vogum á síðasta tímabili. Hann mun væntanlega veita Þórhalli Ísaki Guðmundssyni og Hilmari Erni Péturssyni samkeppni um markmannsstöðuna hjá Þrótturum. Benjamín er uppalinn hjá Val en skipti yfir í Fram um sumarið 2019. Hann varði mark Fram í einum deildarleik sumarið 2023.

FRÉTTIR24.03.2025, 17:24

Daníel Agnar í Gróttu (Staðfest)

Grótta tilkynnti í dag að Daníel Agnar Ásgeirsson væri genginn í raðir félagsins og hefur hann gert tveggja ára samning við Gróttu. Miðjumaðurinn hóf feril sinn á Húsavík áður en hann flutti vestur á firði og gekk í raðir BÍ/Bolungarvík. Hann hélt næst til Stjörnunnar og var í tvö ár í Garðabænum. Svo flutti hann aftur vestur og hefur verið þar síðan. Á árunum 2016 til 2024 spilaði Daníel 91 keppnisleik með Vestra í deild og bikar og eitt tímabil með Herði í 5. deild. Hann er fæddur árið 1997 og kom við sögu í tveimur leikjum með Vestra í Bestu deildinni í fyrra.

FRÉTTIR21.03.2025, 16:00

Fjölnir fær unglingalandsliðskonu frá Blikum (Staðfest)

Kristín Sara Arnardóttir, sem fædd er árið 2008, hefur verið lánuð frá Breiðabliki í Fjölni og verður með liðinu í 2. deild í sumar. Varnarmaðurinn Kristín Sara á að baki þrjá U16 landsleiki en hún hefur síðustu tvö tímabil leikið með Augnabliki.

Sjá fyrri síðuSjá næstu síðu
Fotbolti.net

© Copyright 2002-2026 Fotbolti.net / Fotbolti Ehf. All rights reserved.