FRÉTTIR05.02.2025, 11:35
ÍR-ingar hafa fengið öflugan liðsstyrk fyrir komandi átök í Lengjudeildinni því þeir hafa fengið uppalinn leikmann aftur í sínar raðir. Hann er sóknarsinnaður miðjumaður sem getur einnig leyst stöðu kantmanns og framherja.
Hákon Dagur Matthíasson er mættur aftur frá Víkingi en hann skipti frá ÍR fyrir tímabilið 2022. Fyrstu tvö tímabilin lék hann með 2. flokki Víkings en á síðasta tímabili kom hann á láni til ÍR.
Hákon Dagur er fæddur árið 2005 og á að baki fjóra leiki fyrir U17 landsliðið. Á síðasta tímabili 20 leikjum með ÍR og skoraði tvö mörk. Hann skrifar undir samning við ÍR sem gildir út 2027.
FRÉTTIR05.02.2025, 11:30
Danski miðjumaðurinn Marc Rochester Sörensen er genginn í raðir HB Köge í Danmörku eftir tvö tímabil hjá Þór á Akureyri.
Hann er 32 ára og skrifar undir eins og hálfs árs samning við félagið sem er í botnbaráttu dönsku B-deildarinnar.
FRÉTTIR05.02.2025, 11:20
Kristófer Orri Pétursson er genginn í raðir KR frá Gróttu og skrifar undir eins árs samning í Vesturbænum.
Kristófer (1998) er sóknarmaður sem uppalinn er hjá Gróttu og hefur spilað allan sinn feril með uppeldisfélaginu, alls 200 leiki og þar af voru 18 í efstu deild tímabilið 2020. Hann var fyrirliði Gróttu á síðasta tímabili.
KR hefur verið með þrjá framherja í sínum leikmannahópi í vetur en það eru þeir Eiður Gauti Sæbjörnsson, Jakob Gunnar Sigurðsson og Óðinn Bjarkason. Samkvæmt heimildum Fótbolta.net er mjög líklegt að þeir Óðinn og Jakob verði lánaðir frá félaginu.
Kristófer þekkir vel til þjálfara KR, Óskars Hrafns Þorvaldssonar, eftir að hafa leikið undir hans stjórn tímabilin 2018-19.
FRÉTTIR05.02.2025, 11:09
Kristófer Snær Jóhannsson hefur fengið félagaskipti í Víði eftir að hafa verið á mála hjá norska stórliðinu Molde í eitt og hálft ár.
Kritófer fór til Molde haustið 2023 en er nú mættur aftur heim á Suðurnesin. Hann spilaði 20 leiki með varaliði Molde í fyrra og skoraði tvö mörk.
Hann er miðjumaður/kantmaður sem fæddur er árið 2006 og kom við sögu í fimm keppnisleikjum tímabilið 2023. Hann er uppalinn hjá Keflavík en skipti yfir í Njarðvík fyrir tímabilið 2023.
FRÉTTIR05.02.2025, 10:07
Danski framherjinn Jannik Pohl hefur fengið félagaskipti frá Fram til Þýskalands þar sem hann er genginn í raðir 1. FC Phönix Lübeck.
Liðið er í fjórðu efstu deild sem er svæðisskipt, liðið er í Regionalliga Nord.
Jannik Pohl var í þrjú tímabil hjá Fram en var talsvert frá vegna meiðsla, sérstaklega síðustu tvö tímabil. Hann spilaði 19 leiki tímabili 2022, átta leiki 2023 og fjóra leiki á síðasta tímabili. Hann skoraði átta mörk 2022, tvö mörk 2023 en komst ekki á blað í deildinni í fyrra.
FRÉTTIR04.02.2025, 23:02
Hollenska félagið tilkynnti í kvöld komu hollenska bakvarðarins Tyrell Malacia frá Manchester United, en hann kemur á láni út tímabilið.
FRÉTTIR04.02.2025, 21:13
Tottenham hefur gengið frá kaupum á írska framherjanum Mason Melia frá St. Patrick's Athletic, en hann mun formlega ganga í raðir félagsins á næsta ári.
FRÉTTIR04.02.2025, 18:47
Vængmaðurinn Adam Ægir Pálsson hefur fundið sér nýtt félag á Ítalíu en hann er kominn til ítalska C-deildarliðsins Novara á láni frá Val út tímabilið.
FRÉTTIR04.02.2025, 18:30
Enska B-deildarliðið WBA sótti enska framherjann Adam Armstrong á láni frá Southampton fyrir gluggalok.
FRÉTTIR04.02.2025, 18:03
Kanadíski vinstri bakvörðurinn Alphonso Davies framlengdi í dag samning sinn við Bayern München til ársins 2030. Þetta kemur fram í tilkynningu frá Bayern í dag.
FRÉTTIR04.02.2025, 17:51
Chelsea hefur staðfest komu Mathias Amougou frá franska félaginu St. Etienne en hann kemur fyrir 12 milljónir punda.
FRÉTTIR04.02.2025, 16:13
Heiðdís Lillýardóttir er gengin í raðir Breiðabliks á nýjan leik eftir að hafa verið í atvinnumennsku.
Heiðdís spilaði með Breiðablik frá 2017 til ársins 2022 og varð bæði Íslands-og bikarmeistari og með liðinu á þeim tíma.
FRÉTTIR04.02.2025, 14:18
Portúgalinn Joao Felix er kominn á lánssamningi frá Chelsea til AC Milan. Ekki er nein klásúla um framtíðarkaup en Milan borgar laun leikmannsins út tímabilið.
Þetta eru fjórðu félagaskipti Felix á aðeins þremur árum en hann hefur ekki náð að festa niður rótum. Hann byrjaði tímabilið 2022-23 hjá Atletico Madrid en var lánaður til Chelsea um mitt tímabil.
Hann tók svo tímabil hjá Barcelona og nú eftir að hafa verið sex mánuði hjá Chelsea er hann genginn í raðir AC Milan.
FRÉTTIR04.02.2025, 14:00
Markvörðurinn Chante Sandiford hefur tekið hanskana af hillunni og gert eins árs samning við knattspyrnudeild Selfoss.
Chante er Selfyssingum kunnug en hún varði mark liðsins í þrjú tímabil árin 2015-2017 og er Selfoss hennar fyrsta félag á Íslandi. Hún var á tíma fyrirliði liðsins.
Þaðan gekk hún til liðs við Avaldnses í Noregi og hefur síðan þá leikið með Haukum og Stjörnunni á Íslandi. Eftir tímabilið 2022 gerðist Chante aðstoðarþjálfari kvennaliðs Grindavíkur.
FRÉTTIR04.02.2025, 13:30
Sunderland hefur staðfest að Jayden Danns sé kominn til félagsins á láni frá Liverpool.
Félagaskiptaglugginn lokaði í gærkvöldi en Sunderland sendi alla pappíra inn áður en glugginn lokaði. Félagið var svo að opinbera skiptin núna.
FRÉTTIR04.02.2025, 12:54
Katie Cousins, sem hefur verið ein besta fótboltakonan á Íslandi síðustu árin, mun ekki leika áfram með Val. Félagið reyndi að endursemja við hana en það tókst ekki.
Fótbolti.net hefur fengið þetta staðfest en Orri Rafn Sigurðarson sagði fyrst frá á samfélagsmiðlinum <i>X</I>.
FRÉTTIR04.02.2025, 08:00
Skoska meistaraliðið Celtic náði að krækja í Ganamanninn Jeffrey Schlupp á láni frá Crystal Palace fyrir lok félagaskiptagluggans í gær.
FRÉTTIR04.02.2025, 07:30
Ítalska félagið Roma festi kaup á tveimur leikmönnum undir lok gluggans í gær en franski miðjumaðurinn Lucas Gourna-Douath og danski varnarmaðurinn Victor Nelsson komu til félagsins frá Salzburg og Galatasaray.
FRÉTTIR04.02.2025, 07:00
Fiorentina hefur gengið frá samningum við Juventus um ítalska miðjumanninn Nicolo Fagioli en hann kemur á láni út tímabilið gegn kaupskyldu eftir tímabilið.
FRÉTTIR04.02.2025, 06:00
Simbabve-maðurinn Marshall Munesti er formlega genginn í raðir Wolves frá Reims í Frakklandi, en enska félagið kynnti hann seint í gærkvöldi.
