Tottenham hefur gengið frá kaupum á írska framherjanum Mason Melia frá St. Patrick's Athletic, en hann mun formlega ganga í raðir félagsins á næsta ári.
Melia er 17 ára gamall og verið fastamaður í unglingalandsliðum Írlands.
Hann var meðal annars í U17 ára landsliðinu sem fór á Evrópumótið fyrir tveimur árum og var þá valinn í U21 árs landsliðið í október á síðasta ári.
Framherjinn hjálpaði St. Patrick's Athletic að vinna írsku úrvalsdeildina á síðasta ári eftir spennandi titilbaráttu, en hann skoraði 10 mörk í 54 leikjum í öllum keppnum.
Tottenham komst á dögunum að samkomulagi við St. Pats um kaupverð á Melia og hefur hann nú verið staðfestur en hann gerði samning til 2031. Hann gengur formlega til liðs við félagið í janúar 2026.
Samkvæmt St. Pats er um að ræða metsölu úr írsku úrvalsdeildinni. Erlendir miðlar hafa talað um að ef öllum skilyrðum er mætt muni Tottenham greiða um 3,5 milljónir punda.
St Patrick's Athletic can confirm we have agreed the transfer of Mason Melia to Tottenham Hotspur for an undisclosed fee, which is a record transfer fee for a League of Ireland player.
— St Patrick's Athletic FC (@stpatsfc) February 4, 2025
Mason, who turns 18 in September, will remain at Richmond Park for the 2025 League of Ireland… pic.twitter.com/DKiHNfhVkI
Athugasemdir
