Kanadíski vinstri bakvörðurinn Alphonso Davies framlengdi í dag samning sinn við Bayern München til ársins 2030. Þetta kemur fram í tilkynningu frá Bayern í dag.
Mikið hefur verið rætt og ritað um framtíð Davies sem átti hálft ár eftir af samningi sínum.
Real Madrid var lengi vel talinn næsti áfangastaður hans og fullyrtu margir fjölmiðlar á Spáni að hann væri búinn að ná samkomulagi við spænska félagið.
Bayern gafst hins vegar aldrei upp á því að framlengja við hann og í dag fékkst það staðfest að hann verður áfram í Þýskalandi.
Davies, sem er 24 ára gamall, skrifaði undir samning til 2030.
Bakvörðurinn kom til Bayern frá Vancouver Whitecaps árið 2019 og verið einn af þeim bestu í sinni stöðu síðustu ár.
Hann fagnaði nýjum samningi með því að semja nýtt lag, München my throne, sem má heyra í myndbandinu hér fyrir neðan.
???? OUT NOW! "????????????????????????????? ???????? ????????????????????????" by Alphonso Davies#Phonzy2030 #MiaSanMia #FCBayern pic.twitter.com/foq7JxfvAv
— FC Bayern München (@FCBayern) February 4, 2025
Athugasemdir
