Fiorentina hefur gengið frá samningum við Juventus um ítalska miðjumanninn Nicolo Fagioli en hann kemur á láni út tímabilið gegn kaupskyldu eftir tímabilið.
Stjórnarmenn Fiorentina voru duglegir á markaðnum í glugganum en alls komu sex leikmenn til félagsins.
Flórensarliðið greiðir 2,5 milljónir evra fyrir lánsdvöl Fagioli en með kaupskyldunni kostar hann í kringum 19 milljónir evra.
Fagioli er 23 ára gamall uppalinn Juventus-maður en hann lék 69 leiki og skoraði þrjú mörk fyrir aðalliðið.
Fiorentina fékk einnig þá Nicolas Valentini, Michael Folorunsho, Pablo Mari, Nicolo Zaniolo og Cher Ndour í glugganum.
Fagioli byrjar að æfa með Fiorentina á morgun en þar hittir hann íslenska landsliðsmanninn Albert Guðmundsson sem er á láni frá Genoa.
Milan staðfesti þá seint í gær komu tveggja leikmanna, þeirra Warren Bondo og Riccardo Sottil.
Sottil er 25 ára gamall vængmaður sem kemur á láni frá Fiorentina. Milan getur gert skiptin varanleg fyrir 10 milljónir evra í sumar.
Bondo er 21 árs gamall miðjumaður sem kemur frá nágrönnum þeirra í Monza. Kaupverðið á honum nemur um 12 milljónum evra en hann á að taka sæti alsírska leikmannsins Ismael Bennacer sem gekk í raðir Marseille í gær.
Fyrirliði Milan, Davide Calabria, var þá sendur á lán til Bologna út tímabilið. Samningur hans við Milan rennur út í sumar og hefur hann því spilað sinn síðasta leik fyrir uppeldisfélagið.
A new chapter begins ?
— AC Milan (@acmilan) February 3, 2025
Benvenuto, Riccardo ?????#DNACMilan #SempreMilan
Pen to paper, a new journey begins! ?????#DNACMilan #SempreMilan pic.twitter.com/WOB9yChzcH
— AC Milan (@acmilan) February 3, 2025
Nicolò Fagioli è Viola. ??#Fiorentina pic.twitter.com/WE523B0Ij0
— ACF Fiorentina (@acffiorentina) February 3, 2025
Athugasemdir
