Fotbolti.net

Leita

Leita í fréttum

Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.

Leitarhamur

Dagsetning

Ef ekkert leitarorð er slegið inn notar síðan dagsetninguna sem einfalt fréttasafnsfilter.

Niðurstöður

Leit að "(Staðfest)" í fyrirsögn og texta skilaði 25126 niðurstöðum.

Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.

Niðurstöður

FRÉTTIR21.12.2024, 06:00

Lovísa í Selfoss (Staðfest)

Lovísa Guðrún Einarsdóttir er gengin til liðs við Selfoss en hún kemur frá ÍR. Lovísa er fædd árið 2000 en hún hefur verið fyrirliði ÍR undanfarin ár.

FRÉTTIR20.12.2024, 13:16

Jónþór Atli í ÍR (Staðfest)

ÍR tilkynnti í dag að Jónþór Atli Ingólfsson væri genginn í raðir félagsins og skrifar hann undir tveggja ára samning. Hann kemur til ÍR frá Augnabliki þar sem hann hefur spilað síðustu tvö tímabil en hann er uppalinn hjá Breiðabliki. Hann er 19 ára og er að upplagi hægri bakvörður. Hann er fyrsti leikmaðurinn sem ÍR sækir eftir að síðasta tímabili lauk.

FRÉTTIR20.12.2024, 12:50

Dominic Furness tekinn við Kormáki/Hvöt (Staðfest)

Kormákur/Hvöt tilkynnti í vikunni, í gegnum aðdáendasíðu Kormáks, að Dominic Louis Furness væri tekinn við sem þjálfari liðsins. Hann tekur við af Aco Pandurevic. Englendingurinn Dominic hefur þjálfað lið Tindastóls undanfarin ár og stýrði liðinu upp úr 4. deildinni síðasta sumar. Sem leikmaður lék hann víða, t.d. með Tindastóli og FH hér á landi.

FRÉTTIR20.12.2024, 10:46

Unglingalandsliðsmaður til ÍA (Staðfest)

Brynjar Óðinn Atlason er genginn í raðir ÍA en hann kemur til félagsins frá Hamri. Brynjar Óðinn er 15 ára en hefur þrátt fyrir ungan aldur leikið 28 leiki fyrir meistaraflokk Hamars og skorað í þeim tvö mörk. <i>„Brynjar Óðinn er öflugur hægri bakvörður með mikla hlaupagetu og góðar fyrirgjafir. Hann er góður varnarlega og gefur mikið af sér á vellinum." „Brynjar hefur verið í æfingahópum U-16 ára landsliðs Íslands undanfarna mánuði og var sömuleiðis valinn í þann hóp fyrir komandi verkefni í janúar,"</i> segir í tilkynningu ÍA.

FRÉTTIR19.12.2024, 14:49

Pereira orðinn stjóri Úlfanna (Staðfest)

Úlfarnir hafa staðfest ráðningu á Vitor Pereira en hann hefur gert átján mánaða samning og tekur við sem stjóri af Gary O’Neil sem var rekinn á sunnudag. Portúgalinn Pereira kemur frá Al-Shabab í Sádi-Arabíu en á ferilskrá hans eru landstitlar í Grikklandi, Portúgal og Kína. Wolves er í næst neðsta sæti í ensku úrvalsdeildinni og hefur tapað fjórum síðustu leikjum. Fyrsti leikur liðsins með Pereira við stjórnartaumana verður gegn Leicester á sunnudag, liði sem er tveimur sætum og fimm stigum fyrir ofan.

FRÉTTIR18.12.2024, 21:21

Choupo-Moting í MLS-deildina (Staðfest)

Kamerúnski sóknarmaðurinn Eric Maxim Choupo-Moting hefur fundið sér nýtt félag eftir að hafa yfirgefið Bayern München í sumar, en hann er genginn í raðir New York Red Bulls í Bandaríkjunum.

FRÉTTIR17.12.2024, 18:34

Freyr látinn fara frá Kortrijk (Staðfest)

Freyr Alexandersson er ekki lengur þjálfari Kortrijk. Frá þessu greinir belgíska félagið rétt í þessu. Í tilkynningu félagsins er sagt frá því að ákveðið hefði verið að leiðir myndu skilja. Félagið þakkar Frey fyrir sitt starf og að hafa náð að halda liðinu uppi á síðasta tímabili eftir frábæran endasprett. Aðstoðarmaður Freys, Jonathan Hartmann, yfirgefur einnig Kortrijk.

FRÉTTIR17.12.2024, 16:15

Jana Sól heim í Stjörnuna (Staðfest)

Jana Sól Valdimarsdóttir er gengin í raðir Stjörnunnar á nýjan leik eftir fjögurra ára fjarveru. Jana, sem er fædd árið 2003, er uppalin hjá Stjörnunni en gekk í raðir Vals fyrir tímabilið 2021. Hún lék svo með HK á síðasta tímabili. Hún lék á sínum tíma níu leiki fyrir unglingalandsliðin og skoraði þrjú mörk. Á síðasta tímabili skoraði hún fimm mörk í 13 leikjum með HK í Lenjgudeildinni.

FRÉTTIR17.12.2024, 15:57

Guðmundur Páll heim í Vestra (Staðfest)

Vestri tilkynnti í dag að Guðmundur Páll Einarsson væri mættur aftur til félagsins eftir eins árs veru í Garðabæ þar sem hann lék með KFG og 2. flokki Stjörnunnar. Guðmundur er bakvörður sem fæddur er árið 2005 og skrifar undir þriggja ára samning við Vestra.

FRÉTTIR17.12.2024, 12:30

Kovtun verður ekki áfram hjá Keflavík (Staðfest)

Úkraínski varnarmaðurinn Oleksii Kovtun verður ekki áfram hjá Keflavík en samningur hans við félagið rennur út um áramótin. Hann er að leita sér að nýju félagi. Kovtun gekk í raðir Keflavíkur fyrir tímabilið 2023 og spilaði 20 leiki í Bestu deildinni í fyrra og 18 leiki af 25 með Keflavík í Lengjudeildinni í sumar. Hann byrjaði alla þrjá leiki í umspilinu þar sem Keflavík tapaði í úrslitum gegn Aftureldingu.

FRÉTTIR16.12.2024, 14:54

Arnleifur á láni til Njarðvíkur (Staðfest)

Arnlefiur Hjörleifsson er genginn í raðir Njarðvíkur, hann mun leika með liðinu á láni tímabilið 2025 frá ÍA. Vinstri bakvörðurinn er frá Ólafsvík og hefur leikið með Skallagrími, Kára, Kórdrengjum og ÍA á sínum ferli. Hann kom við sögu í 12 leikjum í Bestu deildinni í sumar og tímabilið 2023 lék hann 20 leiki í Lengjudeildinni.

FRÉTTIR16.12.2024, 13:36

Unnur Dóra í Þrótt (Staðfest)

Unnur Dóra Bergsdóttir er gengin í raðir Þróttar og gerir hún þriggja ára samning við félagið. Samkvæmt heimildum Fótbolta.net var talsverður áhugi á leikmanninum en hún endaði á að semja við Þrótt. Unnur Dóra hefur verið í lykilhlutverki á Selfossi síðustu ár og var fyrirliði uppeldisfélagsins. Hún er fædd árið 2000 og á að baki þrjá leiki með íslensku landsliðunum, einn þeirra er skráður A-landsleikur og tveir með U23 landsliðinu. Alls á hún að baki 163 KSÍ leiki og í þeim hefur hún skorað 18 mörk.

Sjá fyrri síðuSjá næstu síðu
Fotbolti.net

© Copyright 2002-2026 Fotbolti.net / Fotbolti Ehf. All rights reserved.