Unnur Dóra Bergsdóttir er gengin í raðir Þróttar og gerir hún þriggja ára samning við félagið. Samkvæmt heimildum Fótbolta.net var talsverður áhugi á leikmanninum en hún endaði á að semja við Þrótt.
Unnur Dóra hefur verið í lykilhlutverki á Selfossi síðustu ár og var fyrirliði uppeldisfélagsins.
Hún er fædd árið 2000 og á að baki þrjá leiki með íslensku landsliðunum, einn þeirra er skráður A-landsleikur og tveir með U23 landsliðinu. Alls á hún að baki 163 KSÍ leiki og í þeim hefur hún skorað 18 mörk.
Unnur Dóra hefur verið í lykilhlutverki á Selfossi síðustu ár og var fyrirliði uppeldisfélagsins.
Hún er fædd árið 2000 og á að baki þrjá leiki með íslensku landsliðunum, einn þeirra er skráður A-landsleikur og tveir með U23 landsliðinu. Alls á hún að baki 163 KSÍ leiki og í þeim hefur hún skorað 18 mörk.
Á liðnu tímabili spilaði Unnur Dóra alla 18 leiki Selfoss í Lengjudeildinni og skorað þrjú mörk.
„Unnur Dóra er miklvæg viðbót við okkar leikmannahóp, hún er sterkur leikmaður með góða reynslu enda hefur hún verið í fararbroddi hjá Selfyssingum til margra ára. Unnur Dóra á eftir að falla vel inn í hóp okkar Þróttar og styrkja liðið í Bestu deildinni á komandi tímabili. Við bjóðum Unni velkomna í Þrótt," segir Kristján Kristjánsson sem er formaður knattspyrnudeildar Þróttar.
Unnur Dóra er þriðji leikmaðurinn sem Þróttur sækir í vetur.
Þróttur
Komnar
Þórdís Elva Ágústsdóttir frá Växjö
Mist Funadóttir frá Fylki
Unnur Dóra Bergsdóttir frá Selfossi
Hildur Laila Hákonardóttir frá KR (var á láni)
Íris Una Þórðardóttir frá Fylki (var á láni)
Farnar
Leah Pais til Kanada
Samningslausar
Elísabet Freyja Þorvaldsdóttir (2001)
Þórey Hanna Sigurðardóttir (2008)
Elín Metta Jensen (1995)
Athugasemdir
