Fótbolta.net mótið: HK vann Gróttu í vítaspyrnukeppni

HK og Grótta áttust við í úrslitaleik um 5. sæti Fótbolta.net mótsins í dag.

Leikurinn einkenndist af mikilli baráttu þar sem ekkert var gefið eftir.

Hvorugu liði tókst að skora í venjulegum leiktíma og því var gripið til vítaspyrnukeppni.

HK byrjaði að spyrna og skoraði úr fyrstu fjórum tilraunum sínum. Seltirningar skoruðu úr fyrstu tveimur en brenndu af næstu tveimur og töpuðu því 4-2.

Lokastaðan:
1. ÍA
2. Breiðablik
3. Stjarnan
4. ÍBV
5. HK
6. Grótta
7. Grindavík
8. FH