Arteta hress á blaðamannafundi: Dreymi rosalega villta drauma

Arsenal hefur höndlað pressuna í titilbaráttunni vel og ekki leyft Manchester City að slá sig út af laginu.

„Við höfum sýnt mikinn stöðugleika allt tímabilið. Morgundagurinn er alltaf sá mikilvægasti og að gera betur á morgun en í dag.“

Arsenal á þrjá erfiða útileiki eftir gegn Liverpool, Newcastle og Manchester City. Þar sér Man City fyrir sér að geta komist betur inn í titilbaráttuna en Arteta segir að leikmenn Arsenal geta aðeins stjórnað eigin örlögum.

„Við getum ekki stjórnað því hvað þeir gera. Við þurfum að einbeita okkur á því sem við getum stjórnað og spila eins vel og við getum til að halda áfram að vinna leiki.“

Gabriel Jesus var í fyrsta sinn í byrjunarliði Arsenal í ensku úrvalsdeildinni síðan fyrir heimsmeistaramótið og hélt hann upp á það með að skora tvö mörk.

„Ég er svo ánægður fyrir hans hönd og alla þá sem hjálpuðu til við að koma honum aftur á völlinn. Hann kemur inn með gæði og óútreiknanleika í hópinn.“

Leandro Trossard kom til Arsenal frá Brighton í janúar en hann hefur síðan þá lagt upp sjö mörk fyrir liðið. Arteta var spurður hvort hann hefði getað séð þetta fyrir í sínum villtustu draumum en svar hans var ansi gott.

„Draumar mínir eru rosalega villtir. Nei, svona í alvöru, við vissum af gæðum hans og hvað hann gæti komið með inn í þetta lið. Hann getur spilað á hægri, vinstri og sem miðjumaður eða verið fölsk nía og hefur virkilega skilað sínu fyrir liðið. Hann er að taka ábyrgðina á sig til að láta hlutina gerast og við elskum hann,“ sagði Arteta.